(ភ្នំពេញ)៖ នៅព្រឹកថ្ងៃទី០៩ ខែកក្កដា ឆ្នាំ២០២៥ ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងភរិយា បានចាត់ឱ្យលោកវរសេនីយ៍ឯក សុខ ហេង អធិការនគរបាលខណ្ឌព្រែកព្នៅ ជា តំណាង នាំយកថវិកា និងអំណោយមួយចំនួនដល់លោកយាយ ឈ្មោះ ប៊ូ កែវ អាយុ៩៣ឆ្នាំ ដែលពិការភាព និងមានជីវភាពលំបាករស់នៅភូមិវែង សង្កាត់ពញាពន់ ខណ្ឌព្រែកព្នៅ រាជធានីភ្នំពេញ។
ថវិកាចំនួន ២០ម៉ឺនរៀល និងសម្ភារមួយចំនួនដូចជា៖ ផ្លែឈើ ០១កន្រ្កក, អង្ករ ៥០គីឡូ, ត្រីងៀត ០៥គីឡូ, សាច់ក្រក់ ០៥គីឡូ, ទឹកផ្លែឈើ០២កេស, ទឹកដោះគោ ០១ឡូ, ទឹកសុទ្ធ ០១កេស, ទឹកត្រី ០១យួរ និងទឹកស៊ីវអ៊ីវ៕
