(សៀមរាប)៖ ពលករដែលកំពុងបំពេញការងារ នៅក្រោមនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា ដែលធ្វើការសម្អាតរុក្ខជាតិតាមប្រាសាទ សរុបចំនួន៦៨នាក់ នារសៀលថ្ងៃទី២ ខែកក្កដា ឆ្នាំ២០២៥ បានទទួលអំណោយមនុស្សធម៌ពីក្រុមហ៊ុន ជីប ម៉ុង តាមរយៈសម្តេចព្រះព្រហ្មរតនាមុនី ពិន សែម គណៈមហានិកាយ ជាឧត្តមទីប្រឹក្សាគណៈសង្ឃនាយក ជាសមាធិថេរសភាព្រះពុទ្ធសាសនានៃព្រះរាជាណាចក្រកម្ពុជា និងជាព្រះគ្រូចៅអធិការវត្តរាជបូណ៌ ខេត្តសៀមរាប។
អំណោយសប្បុរសធម៌ទាំងនោះរួមមាន កង់មួយគ្រឿង អង្ករ៥០គីឡូក្រាម សម្ភារប្រើប្រាស់ ព្រមទាំងថវិកាម្នាក់២០ម៉ឺនរៀល៕
