(ព្រះសីហនុ)៖ លោក គួច ចំរើន អភិបាលខេត្ត និងជាប្រធានគណបញ្ជាការឯកភាពរដ្ឋបាលខេត្តព្រះសីហនុ នៅរសៀលថ្ងៃ២៣ ខែវិច្ឆិកា ឆ្នាំ២០២៣ បានអញ្ជើញចុះពិនិត្យលទ្ធផលបង្ក្រាបបទល្មើសគ្រឿងញៀន នៅស្នងការដ្ឋាននគរបាលខេត្តព្រះសីហនុ។
នាឱកាសនោះលោក គួច ចំរើន ក៏លើកសរសើរនិងផ្តល់រង្វាន់លើកទឹកចិត្តដល់សមត្ថកិច្ចចម្រុះរួមមាន៖ កម្លាំងគរបាល កងរាជអាវុធហត្ថនិងអាជ្ញាធរពាក់ព័ន្ធ ដែលបង្ក្រាបបានកាលពីយប់រំលងអាធ្រាត្រឆ្លងចូលថ្ងៃទី២៣ ខែវិច្ឆិកា ឆ្នាំ២០២៣ ឃាត់ខ្លួនជនសង្ស័យជនជាតិចិន២នាក់ ដកហូតថ្នាំញៀនជាង ៥គីឡូក្រាម៕
