(ភ្នំពេញ)៖ វគ្គសិក្សាថ្មីមួយទៀត អំពី «របៀបសរសេរព័ត៌មានដំណឹង និងបទយកការណ៍សម្រាប់ទូរទស្សន៍ និងវិទ្យុ» របស់មជ្ឈមណ្ឌលបណ្ដុះបណ្ដាល Fresh News (Fresh News Training Center-FTC) នឹងបិទការចុះឈ្មោះទទួលសិស្ស នៅដើមខែមិថុនា ឆ្នាំ២០២៣ ខាងមុខនេះហើយ បន្ទាប់ពីទទួលបានសិស្សជិតគ្រប់ចំនួនកំណត់។ សម្រាប់បងប្អូនដែលមានចំណាប់អារម្មណ៍ ក៏សូមរូសរាន់ចុះឈ្មោះឱ្យបានទាន់ពេលវេលា។

វគ្គសិក្សាថ្មីអំពីរបៀបសរសេរព័ត៌មាន ជំនាន់ទី៥ របស់ FTC នឹងបង្រៀនផ្ទាល់ដោយ លោក ម៉ារ យ៉ារិទ្ធ អ្នកជំនាញសារព័ត៌មានជើងចាស់ រយៈពេលជិត៤០ឆ្នាំ ដោយវគ្គសិក្សានេះ មានរយៈពេល៣ខែ ដោយសិក្សារៀងរាល់ថ្ងៃសៅរ៍ ចាប់ពីម៉ោង១០ព្រឹកដល់ម៉ោង១២ថ្ងៃត្រង់ និងចូលរៀននៅថ្ងៃទី០៣ ខែមិថុនា ឆ្នាំ២០២៣។

ខណៈដែលព័ត៌មានដំណឹង និងបទយកការណ៍ គឺជាប្រភេទព័ត៌មានដ៏សំខាន់ ដែលតែងឃើញមានការផ្សព្វផ្សាយជាប្រចាំនៅតាមបណ្តាព័ត៌មាននានា។ អ្វីដែលកាន់តែពិសេស សម្រាប់វគ្គនេះ លោក ម៉ារ យ៉ារិទ្ធ ន​ឹងរំលេចដោយផ្តោតទៅលើការបង្រៀនសរសេរអត្ថបទ និងអានព័ត៌មានសម្រាប់វិទ្យុ និងទូរទស្សន៍ទៀតផង។

មជ្ឈមណ្ឌលបណ្តុះបណ្តាលព័ត៌មាន Fresh News (Fresh News Training Center) ជាផ្នែកមួយរបស់អង្គភាពព័ត៌មាន Fresh News ដែលត្រូវបានបង្កើតឡើងនៅខែកញ្ញា ឆ្នាំ២០២១ ក្រោមគំនិតផ្ដួចផ្ដើមរបស់ លោក លឹម ជាវុត្ថា ដែលស្ថាបនិក និងជាអគ្គនាយកនៃអង្គភាពព័ត៌មាន Fresh News ដើម្បីចូលរួមចែករំលែកចំណេះដឹង និងបទពិសោធន៍ផ្នែកព័ត៌មាន ក៏ដូចជាចូលរួមបណ្តុះបណ្តាលយុវជនជំនាន់ក្រោយ ក្នុងវិស័យព័ត៌មានជាដើម។

FTC មាន លោក ម៉ារ យ៉ារិទ្ធ ជាប្រធាន។ លោកធ្លាប់ជាភ្នាក់ងារសារព័ត៌មានបរទេសល្បីៗជាច្រើនដូចជា៖ UPI, AP និង VOA ជាដើម។ លោក ម៉ារ យ៉ារិទ្ធ គឺជាអតីតនិស្សិតខ្មែរដែលបានសិក្សាវិស័យវិជ្ជាជីវៈសារព័ត៌មានក្នុង សកលវិទ្យាល័យមីឈីហ្គែន University of Michigan និងសកលវិទ្យាល័យមែរីលែន University of Maryland ក្នុងសហរដ្ឋអាមេរិក។

វគ្គសិក្សានេះ នឹងបើកឱ្យចុះឈ្មោះរយៈពេល១ខែប៉ុណ្ណោះ ហើយការចូលរួមនឹងធ្វើឡើងចាប់ពីថ្ងៃទី០៣ ខែមិថុនា ឆ្នាំ២០២៣តទៅ។ នៅក្រោយការបញ្ចប់វគ្គសិក្សា លោកអ្នកនឹងទទួលបានវិញ្ញាបនបត្របញ្ជាក់ការសិក្សាមួយ ដែលចេញដោយអង្គភាព និងគ្រូបង្គោល ជាពិសេសសម្រាប់សិក្ខាកាមដែលឆ្នើម មានទេពកោសល្យល្អ នឹងទទួលបានឱកាសចូលហាត់ការណ៍ និងបម្រើការនៅក្នុងអង្គភាពព័ត៌មាន Fresh News ទៀតផង។

សម្រាប់ព័ត៌មានលម្អិត ឬចុះឈ្មោះចូលរៀន សូមទំនាក់ទំនង៖

* លោក ពេជ្រ ប៊ុនសាយ អគ្គនាយករង Fresh News និងជាអនុប្រធានប្រចាំការ FTC
Tel: 089 960 090
Telegram: https://t.me/pichbunsay

* កញ្ញា ថាន រស្មី ប្រធានផ្នែកទំនាក់ទំនងសាធារណៈ FTC តាមរយៈ
Tel: 092 322 334
Telegram: https://t.me/raksmeythanfn

* កញ្ញា រិន ម៉ានីកា បុគ្គលិកផ្នែករដ្ឋបាល FTC
Tel: 012 876 948
Telegram: https://t.me/rinmanikfn