(ភ្នំពេញ)៖ ឥណ្ឌា បានប្រកាសផ្តល់ឆ្កែ ១៥ក្បាលឲ្យកម្ពុជា ហើយក៏សន្យាជួយបណ្តុះបណ្តាលមន្រ្តីកម្ពុជា ១៥រូបផងដែរ ដើម្បីបញ្ជាឆ្កែនេះ ដើម្បីធ្វើសកម្មភាពរុករកមីនលើផ្ទៃដីកម្ពុជា។

ការប្រកាសផ្តល់នេះ បានធ្វើឡើងនៅក្នុងជំនួបសម្តែងការគួរសម និងសំណេះសំណាលរវាងលោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងឯកអគ្​គរដ្ឋទូតឥណ្ឌាប្រចាំនៅកម្ពុជា លោក Naveen Srivastava នារសៀលថ្ងៃទី០៤ ខែកក្កដា ឆ្នាំ២០១៦នេះ។

បើតាមលោក ជុំ សុន្ទរី អ្នកនាំពាក្យក្រសួងការបរទេស ក្នុងជំនួបនេះ លោកទេសរដ្ឋមន្រ្តី ប្រាក់ សុខុន ក៏បានថ្លែងអំណរគុណដល់ឥណ្ឌា ដែលតែងផ្តល់កិច្ចសហការជាមួយកងកម្លាំំងកម្ពុជា ក្នុងបេសកកម្មរក្សាសន្តិភាព៕