(ភ្នំពេញ)៖ កម្លាំងនគរបាលខណ្ឌជ្រោយចង្វារសហការ និងកម្លាំងនគរបាលប៉ុស្ដិ៍​ព្រែកលៀប បានចេញ​ពួនស្ទាក់​ក្នុងភូមិសាស្ត្រ​របស់ខ្លួន រហូតឈានទៅដល់ការឃាត់ខ្លួន​យុវជនប្រើប្រាស់​គ្រឿងញៀន​ចំនួន​៨នាក់ ជាបន្តបន្ទាប់និងដកហូតថ្នាំញៀន​ម៉ាទឹកកក​ចំនួន៤កញ្ចប់ រួមនិង​មធ្យោបាយធ្វើ​ដំណើរ​របស់ជនសង្ស័យ​មានម៉ូតូចំ​នួន៤គ្រឿង​ផងដែរ។

ក្នុងប្រតិបត្តិការខាងលើត្រូវបានធ្វើឡើងនៅវេលាម៉ោង៩៖យប់ ថ្ងៃទី៦ ខែ មេសា ឆ្នាំ ២០១៦ នៅត្រង់ចំណុចលើកំណាត់ ផ្លូវជាតិលេខ៦A ស្ថិតក្នុងភូមិព្រែកលៀប សង្កាត់ព្រែកលៀ​ប ខណ្ឌជ្រោយ​ចង្វារ។

អធិការរងទទួលផែនព្រហ្មទណ្ឌខណ្ឌជ្រោយចង្វារលោក ឯក សេរីវុធ បានឲ្យដឹងថា ជនត្រូវឃាត់​ខ្លួនពាក់ព័ន្ធករណីប្រើ​ប្រាស់គ្រឿង​ញៀនទាំង៨នាក់ ទី១. ឈ្មោះ ញឹម សុធា អាយុ១៩ឆ្នាំ មានមុខរបរ​ជាកម្មករសំណង់ ទី២​. ឈ្មោះ សឿន ស្រេង អាយុ២៣ឆ្នាំ មានមុខរបរជាកម្មករសំណង់ ជនសង្ស័យទាំង២នាក់​ខាងលើស្នាក់នៅការដ្ឋាន​បុរីប៉េងហួត ភូមិព្រែកលៀប សង្កាត់ព្រែកលៀប ខណ្ឌជ្រោយ​ចង្វារ ទី៣. ឈ្មោះ លី មករា អាយុ២០ឆ្នាំ មានមុខរបរជាគ្រឿងចក្រ ទី៤. ឈ្មោះ គាង គឹមហាក់ ភេទប្រុស អាយុ១៧ឆ្នាំ មានមុខរបរនៅផ្ទះ ទី៥. ឈ្មោះ ស្រៀង ជន អាយុ៣១ឆ្នាំ មានមុខរបរជាសំណង់ ទី៦. ឈ្មោះ ​វន វ័ន្ត  អាយុ២១ឆ្នាំ មានមុខរបរជាងសំណង់ ជនសង្ស័យទាំង៤នាក់ខាង​លើស្នាក់​នៅក្នុងការដ្ឋាន​សំណង់​បុរីប៉េងហួត ស្ថិតក្នុងភូមិ​បាក់ខែង សង្កាត់បាក់ខែង ខណ្ឌជ្រោយចង្វារ ទី៧. ឈ្មោះ សៀង គឹមហេង  អាយុ២២ឆ្នាំ មានមុខរបរនៅផ្ទះ ទី៨. ឈ្មោះ យិន វណ្ណា  អាយុ២០ឆ្នាំ មានមុខរបរនៅផ្ទះ ជនសង្ស័យទាំង២នាក់​ស្នាក់នៅក្នុងការដ្ឋាន​សំណង់​បុរីប៉េងហួត ស្ថិតក្នុងភូមិរកាកោង១ ឃុំព្រែកជ្រៅ ស្រុកមុខកំពូល ខេត្តកណ្ដាល ។

លោកឯក សេរីវុធ បានឲ្យដឹងទៀតថា ខណៈដែលកម្លាំងសមត្ថកិច្ចមូលដ្ឋាន​កំពុងល្បាតក្នុងភូមិសាស្ត្ររបស់ខ្លួន​ តាមបណ្ដោយផ្លូវជាតិលេខ៦A​ បានប្រទះឃើញជនសង្ស័យ​មានបក្ខពួក​៨នាក់ ជិះម៉ូតូ​៤​​គ្រឿង​​​ដោយសមត្ថកិច្ចមានការសង្ស័យ​ បានធ្វើការឃាត់និងឆែកឆេរបាន​រកឃើញគ្រឿងញៀន​ ​នៅនិងខ្លួនបក្ខពួកជន​សង្ស័យ​ទាំងនោះចំនួន៤កញ្ចប់​ ដែលបានរក្សាទុក​ធ្វើសកម្មភាពប្រើប្រាស់​ជាមួយគ្នា ក្នុងនោះកម្លាំង​សមត្ថកិច្ច​បាន​ដកហូត​ម៉ូតូចំនួន​៤គ្រឿង​ផងដែរ៕


លោកអធិការរងខណ្ឌជ្រោយចង្វារបានបញ្ជាក់ថា ក្រោយឃាត់ខ្លួនជនពាក់ព័ន្ធករណីប្រើប្រាស់គ្រឿងញៀនទាំង៨នាក់រួមនិងវត្ថុតាងត្រូវបានបញ្ជូនទៅឃុំខ្លួនសាកសួរនៅអធិការដ្ឋាននគរបាលខណ្ឌជ្រោយចង្វារបណ្ដោះអាសន្នដើម្បីរៀបចំកសាងសំនុំរឿងបញ្ជូនខ្លួនបន្តទៅអយ្យការសាលាដំបូងរាជធានីភ្នំពេញចាត់ការតាមផ្លូវច្បាប់ ៕

 

Posted by Fresh News Photo on Wednesday, April 6, 2016