(ឥណ្ឌូនេស៊ី)៖ ខាងក្រោមនេះជារឿងរ៉ាវមួយចំនួន ពាក់ព័ន្ធនឹងអ្នកដំណើរនៅលើយន្តហោះ Air Asia ជើងហោះ QZ8501 បានធ្លាក់ចូលទៅក្នុងសមុទ្រ Java ប្រទេសឥណ្ឌូនេស៊ី ដែលបច្ចុប្បន្នកំពុងស្វែងរក និងស្រាវជ្រាវរកយន្តហោះ និងសាកសពនៃអ្នកដំណើរ, បុគ្គលិក និងអ្នកបើកបរ ដែលមានសរុបទាំងអស់ ១៦២នាក់។ ខាងក្រោមនេះជាព័ត៌មានសំខាន់នានាពាក់ព័ន្ធ នឹងអ្នកដំណើរលើយន្តហោះ Air Asia។
* អ្នកនាង Ruth Natalia Puspitasari រួមជាមួយគូដណ្តឹងឈ្មោះBob Hartanto Wijaya៖ បានជិះយន្តហោះជាមួយឪពុកម្តាយ និងគូដណ្តឹងរបស់ខ្លួនទៅសិង្ហបុរីដើម្បីអបអរសាទរបុណ្យខួបកំណើត បើគិតមកដល់ថ្ងៃទី១ ខែមករាកន្លងទៅនេះ នាងនឹងមានអាយុគ្រប់២៦ឆ្នាំ។
* អ្នកនាង Khariunnisa Haidar Fauzi ៖ អតីតជានិស្សិតច្បាប់វ័យ២២ឆ្នាំ ទើបតែសម្រេចបានគោលដៅរបស់ខ្លួនក្នុងការក្លាយជាបុគ្គលិកនៅលើយន្តហោះ។ សារចុងក្រោយបំផុតរបស់នាង បានសរសេរបញ្ជាក់ថា ខ្ញុំស្រឡាញ់អ្នកទាំងអស់គ្នាពីលើយន្តហោះដែលមានកម្ពស់៣៨០០ហ្វីត ។
* Oscar Desano៖ ជាបុគ្គលិកបម្រើការងារនៅលើយន្តហោះ បានបង្ហោះរូបភាពរបស់ខ្លួនជាមួយនឹងសហសេវិករបស់យន្តហោះផងដែរ មុនពេលហេតុការណ៍កើតឡើង។
* លោកកាពីតែន Iriyanto៖ ជាជនជាតិឥណ្ឌូនេស៊ី អតីតជាអ្នកបើកបរយន្តហោះ F-16 ធ្លាប់បានបើកបរយន្តរហូតដល់២០ពាន់ម៉ោងនៅលើអាកាស។ លោកជាអ្នកបើកបរដ៏ជំនាញ និងជាមនុស្សដ៏ល្អម្នាក់ (Smart Pilot)។ លោកបានស្លាប់ទៅដោយបន្សល់ទុកនូវកូនស្រី និងកូនប្រុសក្មេងវ័យ២២ឆ្នាំ ដែលកូនទាំងពីរនោះ បច្ចុប្បន្ននៅតែគិតថា ឪពុករបស់ពួកគេកំពុងតែធ្វើការ មិនទាន់ស្លាប់នៅឡើយ។
* លោក Siau alain Octavianus ៖ ទៅកំសាន្តលេងនៅប្រទេស សិង្ហបុរី ខណៈកំពុងត្រៀមខ្លួនរៀបការជាមួយគូដណ្តឹងរបស់ខ្លួនក្នុងពេលឆាប់ៗខាងមុខ។
* Sri Ratri Andriani៖ បម្រើការងារជាភ្នាក់ងារអាកាសចរណ៍ តែពេលនេះនាងធ្វើដំណើរតាមយន្តហោះក្នុងនាមជមគ្គុទេសន៍ ទេសចរណ៍។
* Lindawati Anggara៖ ទើបតែស្ថិតក្នុងវ័យជាសិស្សសាលា បានទៅសិង្ហបុរីជាមួយឪពុកម្តាយ និងបងប្រុសរបស់ខ្លួនដើម្បីអបអរសាទរបុណ្យឆ្លងឆ្នាំថ្មី។
* ជនរងគ្រោះទាំងប្រាំមួយនាក់មានឈ្មោះថា Reggy Ardhi, Caroline Harwon, Lioe Marianne, Claudia Ardhi Michelle Clemency Ardhi និងJayden Cruz Ardhi ទៅប្រទេស សិង្ហបុរី ដើម្បីអបអរឆ្នាំថ្មីជាមួយគ្រួសារ។
* លោក Choi Chi Man៖ ជាជនជាតិអង់គ្លេសតែម្នាក់គត់ នៅលើយន្តហោះ Air Asia ជាមួយកូនស្រីវ័យ២ឆ្នាំរបស់ខ្លួន។ លោកទើបតែទទួលដំណែងជាមន្ត្រីប្រតិបត្តិម្នាក់នាពេលថ្មីៗនេះ។
* និស្សិត Nico Giovanni ជានិស្សិតអាហាររូបករណ៍វ័យ១៨ឆ្នាំម្នាក់ ដែលទើបតែបញ្ចប់ថ្នាក់មូលដ្ឋានរបស់ខ្លួន សាលា Anglo-Chinese បានធ្វើដំណើរតាមយន្តហោះជាមួយឪពុកម្តាយរបស់ពួកគេ។
* អ្នកនាង Feilensia Sularmo Go ៖ បងប្រុសរបស់នាងបានបញ្ជាក់ថា នាងបានធ្វើដំណើរជាមួយនឹងក្រុមគ្រួសារ ។ លោកបានបញ្ជាក់ថា លោកមិនធ្លាប់មានអារម្មណ៍តក់ស្លុត និងសោកសង្រែងបែបនេះទេពីមុនមក។
* Sukiatma ៖ ជាក្មេងប្រុសវ័យ១៧ឆ្នាំម្នាក់ បានធ្វើដំណើរជាមួយគ្រួសារទាំងមូលរបស់គាត់ រួមទាំងប្អូនប្រុសវ័យ៩ឆ្នាំម្នាក់ផងដែរ។
* Jo Indri ស្រ្តីវ័យចំណាស់ម្នាក់បានធ្វើដំណើររួម ជាមួយសមាជិកក្រុមគ្រួសារប្រាំនាក់ផ្សេងទៀត ។ កូនរបស់ស្ត្រីចំណាស់រូបនេះ បញ្ជាក់ថា កន្លងមកពួកគេជាប់រវល់រហូតគ្មានពេលវេលាដើរកំសាន្តជាមួយគ្នាសោះ។
* គ្រួសារទាំងមូលរបស់លោក Gusti Made Bobbi Sidharta ៖ លោក និងភរិយារួមជាមួយកូនទាំងពីរនាក់បានធ្វើដំណើរទៅសិង្ហបុរី ទាំងអស់គ្នាតែម្តង។
* លោក Jimmy Sentosa Winata Oei៖ ប្អូនស្រីរបស់លោក ដំបូងមិនមានការបារម្ភអ្វីឡើយ ដោយសារតែដឹងថាបងប្រុសរបស់នាង មិនដែលជិះយន្តហោះ Air Asia ឡើយ តែក្រោយមកនាងមានការរន្ធត់ចិត្តយ៉ាងខ្លាំង បន្ទាប់ពីឃើញឈ្មោះបងប្រុស និងក្មួយៗរបស់នាងនៅលើកញ្ចក់ទូរទស្សន៍។
* អ្នកនាង Florentina Maria Widodo៖ ជាសាស្ត្រាចារ្យផ្នែកជីវវិទ្យានៅវិទ្យាស្ថាន Hwa Chong ។
* លោក Chung Hei Sii ៖ ជាជនជាតិម៉ាឡេស៊ីតែម្នាក់គត់នៅលើយន្តហោះ ធ្វើការនៅក្រុមហ៊ុនព្រៃឈើមួយតែងតែធ្វើដំណើរតាម ជើងយន្តហោះជាញឹកញាប់។
* និស្សិត Kevin Alexander Soetjipto បានធ្វើដំណើររួមជាមួយប្អូនស្រី Cindy Clarissa Soetjipto និងសាច់ញាតិរបស់ខ្លួន។ តាមអ្នកនាំពាក្យម្នាក់បានបញ្ជាក់អំពីភាពសោកស្តាយ ក្នុងការបាត់បង់សិស្សឆ្មើម ឈ្មោះ Kevin នេះ៕