(ជប៉ុន)៖ យ៉ាងហោចណាស់មនុស្ស ៣នាក់បានស្លាប់ មនុស្សមនុស្សជាច្រើននាក់ ផ្សេងទៀតរងរបួស នៅក្នុងហេតុការណ៍ ធ្លាក់យន្តហោះខ្នាតតូច ​ក្នុង​ទីក្រុងតូក្យូ នេះបើយោងតាមការចេញផ្សាយ របស់សារព័ត៌មាន BBC ចេញផ្សាយនៅមុននេះបន្ដិច។

អាជ្ញាធរមូលដ្ឋានបានឲ្យដឹងថា យន្តហោះបានធ្លាប់នៅប្រមាណនាទី បន្ទាប់ពីហោះហើរពីព្រលាន​យន្តហោះ Chofu ក្នុងទីក្រុងតូក្យូ ដោយបានធ្លាប់លើផ្ទះ របស់ប្រជាពលរដ្ឋ ក្នុងនោះមនុស្ស ២នាក់​នៅលើយន្តហោះបានស្លាប់ មនុស្សស្រីម្នាក់ទៀតកំពុងតែស្នាក់នៅ ក្នុងផ្ទះបានស្លាប់ផងដែរ ​ក្រោយ​ពេលយន្តហោះធ្លាប់ចំផ្ទះរបស់គាត់។

ក្រៅពីមនុស្ស ៣នាក់ស្លាប់ នៅមានមនុស្សជាច្រើននាក់ផ្សេងទៀតរងរបួស លើសពីនេះ យ៉ាងហោច​ណាស់មានផ្ទះ ៣ខ្នង និងរថយន្តចំនួន ២គ្រឿងត្រូវបានបំផ្លាញដោយអគ្គិសភ័យ បន្ទាប់ពីយន្តហោះ​ធ្លាប់ចំ។ ពាក់ព័ន្ធនឹងមូលហេតុដែលបណ្ដាលឲ្យ ធ្លាប់យន្តហោះនេះ នៅមិនទាន់ដឹងនោះទេ ប៉ុន្តែសមត្ថកិច្ច និងក្រុមអ្នកជំនាញកំពុងតែធ្វើការស៊ើបអង្កេត៕