(ភ្នំពេញ)៖ អ្នកឧកញ៉ា ហាន់ ឃាង ប្រធានក្រុមហ៊ុន ឌី ស៊ី អាជីម៉ូតូ (DC AGIMEX CO., LTD) និងមានតួនាទីជាអនុប្រធានសមាគមឧកញ៉ាកម្ពុជា។ លោកកើតក្នុងឆ្នាំ១៩៤៩ នៅខេត្តកោះកុង និងបានចូលប្រឡូកក្នុងវិស័យជំនួញ តាំងពីទសវត្សរ៍ឆ្នាំ១៩៨០ ពោលគឺតាំងពីពេលដែលលោកកំពុងរស់នៅក្នុងប្រទេសអូស្ត្រាលីមកម្ល៉េះ។ អ្នកឧកញ៉ា ហាន់ ឃាង គឺជាពាណិជ្ជករខ្មែរដ៏ល្បីម្នាក់ ដែលបានបោះទុនវិនិយោគលើវិស័យជាច្រើននៅក្នុងប្រទេសកម្ពុជា។ លោកត្រូវបានគេស្គាល់ថា ជាប្រធានក្រុមហ៊ុន ឌី ស៊ី អាជីម៉ូតូ (DC AGIMEX CO., LTD)។
* ក្រុមហ៊ុន ឌី ស៊ី អាជីម៉ូតូ របស់លោកបានធ្វើអាជីវកម្មនាំចូល និងចែកចាយផលិតផលជាច្រើនប្រភេទ ជាពិសេសទំនិញប្រើប្រាស់ និងចំណីអាហារទៅកាន់ទីផ្សារកម្ពុជា។ ក្រៅពីនេះ លោកក៏បានពង្រីកអាជីវកម្មរបស់លោកទៅលើវិស័យផ្សេងៗទៀតផងដែរ។ អ្នកឧកញ៉ា ហាន់ ឃាង ក៏ជាសមាជិកមួយរូបនៃសភាពាណិជ្ជកម្មកម្ពុជាផងដែរ ដែលនេះបង្ហាញពីតួនាទីរបស់លោក ក្នុងការចូលរួមអភិវឌ្ឍន៍វិស័យឯកជន និងជំរុញកំណើនសេដ្ឋកិច្ចជាតិ។ ភាពជោគជ័យរបស់លោកបានធ្វើឲ្យលោក ក្លាយជាអ្នកជំនួញមួយរូបដែលមានបទពិសោធន៍ និងឥទ្ធិពលក្នុងប្រទេសកម្ពុជា។
* អ្នកឧកញ៉ា គឺជាអ្នកជំនួញ និងជាវិនិយោគិនដ៏មានបទពិសោធន៍ម្នាក់នៅកម្ពុជា ជាក់ស្តែងក្រោយពីបានត្រឡប់មកពីប្រទេសអូស្រ្តាលីវិញ ក្នុងឆ្នាំ១៩៩២ លោកបានចូលរួមជាមួយដៃគូក្នុងស្រុក និងបរទេសក្នុងការបោះទុនវិនិយោគលើក្រុមហ៊ុនជាច្រើនមានដូចជា ក្រុមហ៊ុន Muhibbah Masteron Cambodia J.V.Ltd. ក្រុមហ៊ុន Muhibbah Engineering (Cambodia) Co., Ltd., ក្រុមហ៊ុន Muhibbah Stone Crushing Industry & Asphalt., Ltd., ក្រុមហ៊ុនគ្រប់គ្រងព្រលានយន្តហោះអន្តរជាតិភ្នំពេញ SCA, ក្រុមហ៊ុន K.HANN Investment Group Ltd., តំបន់សេដ្ឋកិច្ចពិសេស Cambodian Bin Hai និងតំបន់សេដ្ឋកិច្ចពិសេស H.K.T ជាដើម។
* ក្រៅពីកិច្ចការជំនួញ និងវិនិយោគ អ្នកឧកញ៉ា ក៏បានបរិច្ចាគទ្រព្យធនជាច្រើនព្រមទាំងកម្លាំងកាយ ចិត្ត ប្រាជ្ញាស្មារតី និងពេលវេលាក្នុងការចូលរួមយ៉ាងសកម្មនៅក្នុងសកម្មភាពសង្គម និងសកម្មភាពមនុស្សធម៌។ អ្នកឧកញ៉ា ត្រូវបានទទួលស្គាល់ពីរាជរដ្ឋាភិបាលកម្ពុជាតាមរយៈការផ្តល់ជូន នូវគ្រឿងឥស្សរិយយសជាច្រើន ជាពិសេសគ្រឿងឥស្សរិយយសថ្នាក់កំពូល «ជាតូបការ» ដែលប្រោសព្រះរាជទានដោយព្រះមហាក្សត្រ នៃព្រះរាជាណាចក្រកម្ពុជា៕
