* អ្នកឧកញ៉ា គិត ម៉េង កើតថ្ងៃទី១ ខែកញ្ញា ឆ្នាំ១៩៦៨ ក្នុងខេត្តកណ្តាល លោកជាកូនទី៣ របស់ពាណិជ្ជករជាប់សែស្រឡាយចិនម្នាក់ លោក គិត ប៉េងអៀក។ ក្នុងឆ្នាំ១៩៧៥ លោក គិត ម៉េង និងក្រុមគ្រួសារ ត្រូវបានគេជម្រៀសទៅរស់ជុំរុំនាទឹកដីប្រទេសថៃ។ ក្នុងការជម្លៀសខ្លួនចេញពីរបបអាវខ្មៅនោះ លោក គិត ម៉េង និងបងប្អូនប្រុស២នាក់ទៀត បានបែកគ្នាពីឪពុកម្តាយ​ហើយឪពុកម្តាយរបស់ឧកញ៉ា គិត ម៉េង ត្រូវបានគេដឹងថា បានស្លាប់ដោយសារ ការអត់ឃ្លាន។

* នៅឆ្នាំ១៩៨០ អ្នកឧកញ៉ា គិត ម៉េង និងប្អូនប្រុស គិត ធាង ត្រូវបានធ្វើអន្តោប្រវេសន៍ ទៅប្រទេសអូស្រ្តាលី​ហើយពួកលោកបានធ្វើការ និងរៀនសូត្រនៅទីក្រុងកង់បេរ៉ា ប្រទេសអូស្ត្រាលី។ ក្នុងដំណើរឆាកជីវិតរស់នៅអូស្រ្តាលី គិត ម៉េង បានជម្នះការតស៊ូខ្លាំងដើម្បីរស់និងសន្សំលុយ។ ក្នុងកិច្ចសម្ភាសន៍ជាមួយ សាព័ត៌មានអូស្រ្តាលី អ្នកឧកញ៉ា គិត ម៉េង បានឲ្យដឹងថា នៅអូស្រ្តាលី​ពេលអ្នកដើរចែកសំបុត្រ ឬលិខិតប័ណ្ណតាមផ្ទះ ​នៅពេលដែលមានអាកាសធាតុត្រជាក់ អ្នកនឹងមានអារម្មណ៍ឯកោរខ្លាំងណាស់។ ឧកញ៉ា គិត ម៉េង បានធ្វើការនៅភោជនីយដ្ឋានឥណ្ឌា គឺជាអ្នកលាងចាន ​និង​ជាកម្មករលាងសំអាត នៅផ្សារបន្លែនៅថ្ងៃអាទិត្យ​ហើយការងារដែលមិនត្រូវការជំនាញមួយទៀតដែល គិត ម៉េង បានធ្វើដែរនោះ គឺកាត់ស្មៅឲ្យគេតាមផ្ទះ។

* នៅឆ្នាំ១៩៩១ អ្នកឧកញ៉ា គិត ម៉េង និង គិត ធាង បានសម្រេចចិត្តត្រឡប់មកកម្ពុជា ជាមួយនឹងជីវិតផ្តាស់ប្តូរ ដោយមកដល់កម្ពុជាដំបូងឧកញ៉ា គិត ម៉េង និងបងប្រុស គិត សោភណ្ឌ បានបើកហាងលក់គ្រឿងសង្ហារឹម ​និង​សម្ភាៈការិយាល័យឲ្យអង្គការសហប្រជាជាតិនៅកម្ពុជា​ (UN) ដោយរួមមានទាំងទិញសិទ្ធិលក់ម៉ាស៊ីនថតចម្លងម៉ាក Canon ផងដែរ គឺមុនពេលលោកបង្កើតក្រុមហ៊ុន The Royal Group ។

* បច្ចុប្បន្ននេះអ្នកឧកញ៉ា គិត ម៉េង មានតួនាទី ជាប្រធានសភាពាណិជ្ជកម្មកម្ពុជា និងជាប្រធានក្រុមហ៊ុន The Royal Group ដែលក្រុមហ៊ុនចំណុះឲ្យជិត ៣០ក្រុមហ៊ុន។ ភរិយារបស់លោកគឺ លោកជំទាវអ្នកឧកញ៉ា ម៉ៅ ចំណាន មានកូនចំនួន៤ (ប្រុស២ ស្រី២)។

* អ្នកឧកញ៉ា គិត ម៉េង និង​លោជំទាវអ្នកឧកញ៉ា ម៉ៅ ចំណាន​ មានកូនប្រុសម្នាក់ឈ្មោះ ឧកញ៉ា គិត ស៊ូឡា​ដែលត្រូវបានតែងតាំងជា នាយកគ្រប់គ្រងផ្នែកប្រតិបត្តិការនៃក្រុមហ៊ុន រ៉ូយ៉ាល់ គ្រុប អន្តរជាតិ។ នេះបើតាមសេចក្តីប្រកាសព័ត៌មាន របស់ក្រុមហ៊ុន រ៉ូយ៉ាល់គ្រុប ដែលបណ្តាញព័ត៌មាន Fresh News ទទួលបាននៅថ្ងៃទី១៩ ខែមេសា ឆ្នាំ២០២៤នេះ។

ក្រុមហ៊ុនចំណុះឲ្យក្រុមហ៊ុន The Royal Group៖

១-ក្រុមហ៊ុនទូរស័ព្ទចល័ត Cellcard
២-ក្រុមហ៊ុន Royal Telecam International
៣-ក្រុមហ៊ុន Ezecom
៤-ក្រុមហ៊ុនធានារ៉ាប់រង Infinity Insurance
៥-ធនាគារ ANZ Royal Bank
៦-ក្រុមហ៊ុន Royal Financial Consultancy
៧-ទូរទស្សន៍ CTN (Cambodian Broadcasting Corporation)
៨-ទូរសទ្សន៍ CNC
៩-ទូរទស្សន៍ MyTV
១០-ទូរទស្សន៍ CEPCO is a TV channel
១១-ក្រុមហ៊ុនផ្សព្វផ្សាយពាណិជ្ជកម្ម BrandSolutions
១២-Royal Park Resort នៅសៀមរាប
១៣-Titan King Resort & Casino នៅបាវិត ខេត្តស្វាយរៀង
១៤-សណ្ឋាគារ Hotel Cambodiana
១៥-អគារពាណិជ្ជកម្ម Royal Tower នៅភ្នំពេញ
១៦-កោះរុង នៅខេត្តព្រះសីហនុ
១៧-Northbridge Communities នៅភ្នំពេញ ផ្លូវ២០០៤
១៨-ខុនដូ Embassy Place
១៩-ក្រុមហ៊ុន The Royal Group ទិញលក់ដីធ្លី
២០-ក្រុមហ៊ុន The Royal Group ផ្នែកខាងលក់ ផលិតផលអេឡិចត្រូនិក Canon, Motorola, Samsung និង Siemens.
២១-ក្រុមហ៊ុន The Royal Group ផ្នែកជួលឧទ្ធម្ភាចក្រ Bell Helicopter
២២-ក្រុមហ៊ុន The Royal Group  ផ្នែកលក់ចំណីអាហារ ដូចជា KFC, ភោជនីយដ្ឋាន Pizza Hut។  
២៣-ក្រុមហ៊ុន Royal Cambodian Limousine Service មានរថយន្តទំនើបសម្រាប់ដឹកជញ្ជូនភ្ញ
២៤-ក្រុមហ៊ុនផ្លូវដែក Toll Royal៕