(ភ្នំពេញ)៖ នៅដើមសប្តាហ៍ក្រោយនេះ លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការ​អន្តរជាតិ នឹងដឹកនាំគណៈប្រតិភូកម្ពុជា ទៅចូលរួមកិច្ចប្រជុំចង្អៀតថ្នាក់រដ្ឋមន្រ្តីការបរទេសអាស៊ាន នៅប្រទេសហ្វីលីពីន។

កិច្ចប្រជុំនេះមានរយៈពេល២ថ្ងៃ នៅថ្ងៃទី២០-២១ ខែកុម្ភៈ ឆ្នាំ២០១៧ ដែលនឹងធ្វើឡើងនៅទីក្រុងប៉ូរ៉ាខាយ ប្រទេសហ្វីលពីន។ នេះតាមសេចក្តីប្ករាសរបស់ក្រសួងការបរទេស នៅថ្ងៃទី១៦ ខែកុម្ភៈ ឆ្នាំ២០១៧នេះ។

សេចក្តីប្រកាសនេះ បានឱ្យដឹងថា ក្នុងឱកាសកិច្ចប្រជុំខាងលើ រដ្ឋមន្រ្តីការបរទេសអាស៊ាន នឹងពិភាក្សា ផ្លាស់ប្តូរទស្សនៈលើបញ្ហាបន្ទាន់មួយចំនួន ដែលអាចបង្កការគំរាមដល់សន្តិសន្តិភាព សន្តិសុខ និងស្ថិរភាពក្នុងតំបន់អាស៊ាន ហើយនឹងជំរុញរបៀបវារៈរបស់អាស៊ាន ក្នុងកិច្ចសហប្រតិបត្តិការជាមួយប្រទេសនានា ដែលជាដៃគូសន្ទនារបស់អាស៊ាន នៅក្នុងកិច្ចខិតខំថែរក្សាតួនាទីដ៏សំខាន់របស់អាស៊ាននៅចំពោះមុខភាពមិនពិតប្រាកដ ដែលកំពុងតែកើននៅក្នុងនយោបាយ និងសេដ្ឋកិច្ចពិភពលោក ហើយនិងដំណើរការវិវត្តន៍និម្មបនកម្មតំបន់។

ខាងក្រោមនេះជាសេចក្តីប្រកាសរបស់ក្រសួងការបរទេស៖