Wicam
Wicam
V9
Eclipse Coffee
Eclipse Coffee
Wicam
Wicam
V9
Eclipse Coffee
Eclipse Coffee
     
TOP NEWS សម្តេចតេជោ ហ៊ុន សែន៖ «សូមផ្តាំទៅអង្គការ Global Witness និងបក្ខពួកល្មមឈប់ល្ងង់ និងឆ្កួតៗទៀតទៅ»

(ហាណូយ)៖ រដ្ឋមន្រ្តីការពារជាតិ​កម្ពុជា​និងវៀតណាម​បានចុះហត្ថលេខា​​រួមគ្នា លើគំរោង​សហប្រតិបត្តិការ​មួយ​សម្រាប់​ឆ្នាំ​២០១៧​ រវាង​​ក្រសួង​​​ទាំង​ពីរ​នៅក្នុង​ជំនួប​សន្ទនា​របស់​រដ្ឋមន្ត្រីទាំងពីរ​កាល​ថ្ងៃទី០៩ ខែមករា ឆ្នាំ២០១៧។ នេះបើ​តាមការ​ដកស្រង់សេចក្តីរាយការណ៍​​ចេញពី​សារព័ត៌មាន​​វៀតណាម Vietnam Net នៅល្ងាច​ថ្ងៃពុធ ទី១១ ខែមករា ឆ្នាំ២០១៧។

ជំនួបខាងលើ​បានធ្វើឡើង​នៅទីស្នាក់ការ​នៃទីបញ្ជាការ​យោធា​ជាន់ខ្ពស់​ភូមិភាគ០៥ នៅក្រោយពីពិធី​ទទួលស្វាគមន៍​ត្រូវបានប្រារព្ធ​ឡើង​សម្រាប់ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិកម្ពុជា លោក ទៀ បាញ់ ដែលបានទៅបំពេញទស្សនកិច្ច​ចំនួនបួន​​ថ្ងៃ​ ​​នៅប្រទេសវៀតណាម​ចាប់ពីថ្ងៃទី០៨ ខែមករា​ ហើយនៅក្នុង​កិច្ចសន្ទនា​រវាងរដ្ឋមន្រ្តី​ទាំងពីរូប​ ក៏បានបង្ហាញការ​ពេញ​ចិត្ត​​ពេញ​ថ្លើម​​យ៉ាង​ខ្លាំង​​ចំពោះ​​សមិទ្ធិ​ផល​ដែល​ទទួល​បាន​​ពី​កិច្ច​​សហ​ប្រតិបត្តិការ​យោធា​​ទ្វេភាគី​កាលពី​ឆ្នាំ២០១៦ ជាពិសេស​ការផ្លាស់​ប្តូរគណៈប្រតិភូ, ការបណ្តុះ​បណ្តាល​បុគ្គលិក និងការការពារបន្ទាត់ព្រំដែន។

ក្នុងឱកាសនោះដែរ​នាយឧត្តមសេនីយ៍ ទៀ បាញ់ បានថ្លែងថា​កម្ពុជាតែងតែ​អរគុណ​ជានិច្ច​ចំពោះការ​ជួយជ្រោមជ្រែង​របស់​ភាគី​វៀតណាម ​នៅអំឡុង​គ្រា​លំបាករបស់ខ្លួន​ប្រឆាំងនឹង​របបប្រល័យ​ពូជសាសន៍​ប៉ុលពត និងបុព្វហេតុ​នៃការកសាង​ជាតិ​បច្ចុប្បន្ននេះ ហើយរដ្ឋមន្រ្តីក្រសួង​​ការពារជាតិ​វៀតណាម ​លោក Ngo Xuan Lich ក៏បាន​បង្ហាញពី​ការពេញចិត្តរបស់​លោកចំពោះការ​គាំទ្ររបស់​កម្ពុជាដល់​វវៀតណាម​ក្នុង​ការ​ស្វែងរក​ក៏ដូចជាបញ្ជូនសាកសព​របស់ទាហានស្ម័គ្រចិត្ត​ និងក្រុមអ្នកជំនាញ​វៀតណាមទៅ​កាន់​មាតុប្រទេស​វិញផងដែរ។

ជាចុងក្រោយរដ្ឋមន្រ្តីការពារជាតិ នៃប្រទេសទាំងពីរ​បានសង្កត់ធ្ងន់​ថា ​អាទិភាព​ចម្បង​នៃកិច្ចសហប្រតិបត្តិការ​ស្តីពីវិស័យ​ការពារជាតិ​​នៅឆ្នាំ​នេះ​រួមទាំង​ឆ្នាំក្រោយៗ​ទៀត​គឺការរៀបចំ​នៃការផ្លាស់ប្តូរ​គណៈប្រតិភូ, កិច្ចពិភាក្សា​គោលនយោបាយ​ការពារជាតិ​ថ្នាក់​អនុរដ្ឋមន្រ្តី, ការល្បាតរួមគ្នា​​តាមដែនសមុទ្រ, កិច្ចការព្រំដែន, និងការស្វែងរក​សាកសព​ជនជាតិវៀតណាម​ដែលនៅ​សេសសល់៕

www.freshnewsasia.com

www.freshnewsasia.com

www.freshnewsasia.com

www.freshnewsasia.com