(បន្ទាយមានជ័យ)៖ លោក ស សុខា អនុប្រធានសហភាពសហព័ន្ធយុវជនកម្ពុជាទទួលបន្ទុក៣ខេត្ត បានដឹកនាំក្រុមការងារ ចូលរួមនៅក្នុងពិធីក្រុងពាលីបើកសម្ពោធទីស្នាក់ការ សហភាពសហព័ន្ធយុវជនកម្ពុជា (ស.ស.យ.ក) នៅខេត្តបន្ទាយមានជ័យ នារសៀលថ្ងៃទី២៦ ខែវិច្ឆិកា ឆ្នាំ២០១៦នេះ។
នៅក្នុងពិធីនេះ ក៏មានការអញ្ជើញចូលរួមពីសំណាក់ថ្នាក់ដឹកនាំ ខេត្តបន្ទាយមានជ័យ ថ្នាក់ដឹកនាំសហភាពសហព័ន្ធយុវជនកម្ពុជា និងក្រុមយុវជននៅខេត្តបន្ទាយមានជ័យជាច្រើននាក់ផងដែរ។
ដោយឡែក នៅថ្ងៃទី២៧ ខែវិច្ឆិកា ឆ្នាំ២០១៦ស្អែកនេះ នឹងកម្មវិធីប្រកាសចូលកាន់តំណែងរបស់លោក ប៉ោ វណ្ណាត ជាប្រធាន ស.ស.យ.ក ប្រចាំខេត្តបន្ទាយមានជ័យ ក្រោមវត្តមានលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកស្រី ម៉ៅ ម៉ាល័យ កែ គឹមយ៉ាន ភរិយារបស់លោកឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យផងដែរ៕
