(ឧត្តរមានជ័យ)៖ នាយឧត្តមសេនីយ៍ ស ថេត អគ្គស្នងការនគរបាលជាតិ, លោក ស៉ី ប្រាសិទ្ធ ប្រធានក្រុមប្រឹក្សា និងលោក ប៉ែន កុសល្យ អភិបាលខេត្តឧត្តរមានជ័យ នៅរសៀលថ្ងៃទី១៨ ខែមេសា ឆ្នាំ២០២៤នេះ បានអញ្ជើញជាអធិបតី ក្នុងពិធីប្រកាសចូលកាន់តំណែង លោកឧត្តមសេនីយ៍ទោ ខូវ លី ជាស្នងការនគរបាលខេត្តឧត្តរមានជ័យ។
លោកឧត្តមសេនីយ៍ទោ ខូវ លី អតីតស្នងការនគរបាលខេត្តកំពង់ឆ្នាំង ត្រូវផ្លាស់ប្ដូរទៅកាន់តំណែងជា ស្នងការនគរបាលខេត្តឧត្ដរមានជ័យ ខណៈលោកឧត្តមសេនីយ៍ទោ ហួត សុធី ត្រូវទៅកាន់តំណែងជាស្នងការនគរបាលខេត្តសៀមរាប ដែលពិធីប្រកាសចូលកាន់តំណែង បានធ្វើឡើងកាលពីព្រឹកមិញនេះ៕
