(ភ្នំពេញ​)៖​ យោងតាមការចុះផ្សាយរបស់ គេហទំព័រអគ្គស្នងការនគរបាលជាតិ បានឲ្យដឹងថា នៅ​ថ្ងៃ​ទី​២​៥ ខែសីហា​ ឆ្នាំ​២០១៦​ មាន​ករណី​គ្រោះថ្នាក់​ចរាចរណ៍​ នៅ​ទូ​ទាំង​ប្រទេស ​កើតឡើង​ចំនួន​៨លើក​ (យប់​៤លើក​)​ បណ្តាល​ឲ្យ​មនុស្ស​ស្លាប់២នាក់​ និងរងរបួសធ្ងន់១២នាក់ និងរបួសស្រាល២នាក់។

​​គ្រោះថ្នាក់​ចរាចរណ៍​ទាំង​៨លើក​នេះ​ បណ្តាល​ឲ្យ​ខូចខាត​យានយន្ត​ សរុប​ចំនួន​១៤​គ្រឿង​ រួម​មាន​ម៉ូតូ​ចំនួន​៨គ្រឿង​ រថយន្ត​ធុន​តូច​ចំនួន​៥​គ្រឿង​,​ រថយន្ដធុនធំចំនួន១គ្រឿង ហើយមូលហេតុ​ដែល​បណ្តាល​ឲ្យ​កើត​មាន​ករណី​គ្រោះថ្នាក់​ចរាចរណ៍​ រួម​មាន​ល្មើស​ល្បឿន​៥​លើក​, ​ស្រវឹង២លើក, មិនប្រកាន់ស្ដាំ១លើក កត្តាយានយន្ដ១លើក ក្នុង​នោះ​អ្នក​មិន​ពាក់មួក​សុវត្ថិភាព​ ពេល​គ្រោះថ្នាក់​ចរាចរណ៍​៨នាក់​ (យប់៣នាក់​)​។

នៅ​ថ្ងៃ​ទី​២៥ ខែសីហា​ ឆ្នាំ​២០១៦​ លទ្ធផល​ត្រួតពិនិត្យ​អនុវត្ត​ច្បាប់​ចរាចរណ៍​ផ្លូវគោក​ឃើញ​ថា​ យានយន្ត​ដែល​ល្មើស​ សរុប​ទូ​ទាំង​ប្រទេស​មាន​ ចំនួន២៨៧៦គ្រឿង​ ក្នុង​នោះ​បាន​ធ្វើការ​អប់រំ​ចំនួន១៣៣០​គ្រឿង​ និង​ពិន័យ​សរុប​ ចំនួន​១៥៤៦​គ្រឿង​៕