(ភ្នំពេញ)៖ នៅថ្ងៃទី០៩ ខែសីហា ឆ្នាំ២០១៦ កម្លាំងនគរបាលជាតិបានបង្ក្រាប បទល្មើសជួញ ដូររក្សាទុក និងប្រើប្រាស់គ្រឿងញៀន៩ករណី ឃាត់ខ្លួនមនុស្ស១៩នាក់ ក្នុងនោះមុខសញ្ញាជួញដូរ១៥នាក់ និងមុខសញ្ញាប្រើប្រាស់៤នាក់ រឹបអូសបានមេតំហ្វេតាមីន (ice) ៨២៦.០៦ក្រាម, ១កញ្ចប់ធំ និង២៦កញ្ចប់តូច។
ទីតាំងដែលបង្ក្រាបបានរួមមាន៖ ទី១ មន្ទីរប្រឆាំងគ្រឿងញៀន បង្ក្រាប១ករណីឃាត់ខ្លួន៣នាក់, ទី២-ភ្នំពេញ បង្ក្រាប២ករណី (១ដីកា) ឃាត់ខ្លួន៨នាក់, ទី៣-កណ្ដាល បង្ក្រាប១ករណីឃាត់ខ្លួនម្នាក់, ទី៤-បាត់ដំបង បង្ក្រាប១ករណី ឃាត់ខ្លួនម្នាក់, ទី៥-សៀមរាប បង្ក្រាប១ករណីឃាត់ខ្លួន៣នាក់, ទី៦-ពោធិ៍សាត់ បង្ក្រាប១ករណី ឃាត់ខ្លួនម្នាក់, ទី៧-ព្រះវិហារ បង្ក្រាប១ករណីឃាត់ខ្លួនម្នាក់, ទី៨-បន្ទាយមានជ័យ បង្ក្រាប១ករណីឃាត់ខ្លួនម្នាក់៕
