(ភ្នំពេញ)៖ ពិធីសម្ពោធមជ្ឈមណ្ឌលហោះហើរអាកាសយានហាត់ត្រាប់អន្តរជាតិ របស់ Lanmei Aviation Group ត្រូវបានសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី២១ ខែមីនា ឆ្នាំ២០២៣។

ពិធីសម្ពោធនេះ ធ្វើឡើងក្រោមអធិបតីភាពលោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល, លោក វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា។

មជ្ឈមណ្ឌលហោះហើរអាកាសយានហាត់ត្រាប់អន្តរជាតិ របស់ Lanmei University of Cambodia (L.U.C.) ដែលជាផ្នែកអប់រំរបស់ Lanmei Aviation Group ។ មជ្ឈមណ្ឌលបានចំណាយអស់ ១២លានដុល្លារអាមេរិក ដើម្បីនាំចូលអាកាសយានហាត់ត្រាប់ចលនាពេញលេញ ស៊េរីទំនើបលំដាប់ពិភពលោក។

លោក Chan Chee Seng នាយកប្រតិបត្តិនៃមជ្ឈមណ្ឌលហោះហើរ អាកាសយានហាត់ត្រាប់អន្តរជាតិបញ្ជាក់ថា មជ្ឈមណ្ឌលហោះហើរអាកាសយានហាត់ត្រាប់អន្តរជាតិ មិនត្រឹមតែជាស្ថាប័នសហប្រតិបត្តិការដ៏សំខាន់ សម្រាប់ដំណាក់កាលបណ្តុះបណ្តាល អាកាសយានហាត់ត្រាប់ដំណាក់កាលទី២ ទី៣ និងទី៤ នៃការបណ្តុះបណ្តាលអ្នកបើកយន្តហោះច្រើននាវិក នៃមជ្ឈមណ្ឌលបណ្តុះបណ្តាល នៃសាកលវិទ្យាល័យឡានម៉ីកម្ពុជាប៉ុណ្ណោះទេ ប៉ុន្តែក៏នឹងដើរតួដ៏សំខាន់ ក្នុងការផ្តល់នូវការបណ្តុះបណ្តាលដ៏ទូលំទូលាយ សម្រាប់អាកាសយានិកនៃក្រុមហ៊ុនអាកាសចរណ៍អាស៊ាន និងអន្តរជាតិលើមុខវិជ្ជាដូចជា ការបណ្តុះបណ្តាលដំបូង ការផ្ទេរការបណ្តុះបណ្តាលអាកាសយាន ការបណ្តុះបណ្តាល upgrade និងការហ្វឹកហាត់ឡើងវិញជាប្រចាំ។

លោកបន្តថា «កាប៊ីនយន្ដហោះ» នៃអាកាសយានហាត់ត្រាប់ ធ្វើជើងហោះហើរដែលបានណែនាំលើកនេះ គឺត្រូវបានបំពាក់ដោយប្រព័ន្ធអាកាសយានហាត់ត្រាប់ ធ្វើបែប Panoramic កម្រិតខ្ពស់។

លោក Chan Chee Seng បន្តថា អាកាសយានហាត់ត្រាប់នេះ អាចបំពេញតម្រូវការបណ្តុះបណ្តាលវិជ្ជាជីវៈ របស់អ្នកបើកបរយន្តហោះប្រមាណ ជា៣០គ្រឿង។ នៅពេលអនាគត វាក៏នឹងបើកចំហសម្រាប់អ្នកដែលចូលចិត្តហោះហើរជាសាធារណៈ និងផ្តល់សេវាកម្មបទពិសោធន៍ហោះហើរ ធ្វើឱ្យស៊ីជម្រៅ និងបង្កើនប្រជាប្រិយភាព និងឥទ្ធិពលនៃអាកាសចរណ៍ស៊ីវិល ក្នុងចំណោមសាធារណជន។

លោកបណ្ឌិត Li Kun ប្រធាននិងជានាយកប្រតិបត្តិនៃ Lanmei Aviation Group បានថ្លែងប្តេជ្ញាចិត្តនឹងធ្វើឱ្យមជ្ឈមណ្ឌលហោះហើរអាកាសយានហាត់ត្រាប់អន្តរជាតិនេះ ក្លាយជាម៉ាកសញ្ញាលក្ខណៈពិសេស ដោយមានការបណ្តុះបណ្តាលសុវត្ថិភាពដ៏ទូលំទូលាយបំផុត គុណភាពសេវាកម្មល្អបំផុត និងការប្រើប្រាស់អាកាសយានហាត់ត្រាប់ ប្រកបដោយប្រសិទ្ធភាពបំផុត។ មជ្ឈមណ្ឌលនេះនឹងបណ្ដុះបណ្ដាលអ្នកជំនាញផ្នែកអាកាសចរណ៍បន្ថែមទៀត សម្រាប់ប្រទេសកម្ពុជា និងប្រទេសអាស៊ាន ហើយនឹងចូលរួមចំណែកក្នុងការជួយដល់យន្តការកិច្ចសហប្រតិបត្តិការមេគង្គ-ឡានឆាង និងលើកកម្ពស់ «ការតភ្ជាប់» ក្នុងតំបន់។

លោក ម៉ៅ ហាវណ្ណា បានថ្លែងថា ឆ្នាំនេះ គឺជាខួបលើកទី៦៥ នៃការបង្កើតទំនាក់ទំនងការទូតរវាងកម្ពុជា និងចិន ហើយស្របពេលនឹងខួបលើកទី ១០ នៃគំនិតផ្តួចផ្តើម «ខ្សែក្រវាត់មួយ ផ្លូវមួយ» ការបើកដំណើរការនៃមជ្ឈមណ្ឌលហោះហើរអាកាសយានហាត់ត្រាប់អន្តរជាតិនេះ មានអត្ថន័យចំនួន៣៖ ទី១ វាបានបង្កើតប្រវត្តិសាស្ត្រ និងបំពេញចន្លោះនៃការបណ្តុះបណ្តាល អាកាសយានហាត់ត្រាប់នៅអាកាសចរណ៍ស៊ីវិលកម្ពុជា។ ទី២ វានឹងជួយជំរុញទឹកចិត្ត និងសាទរយ៉ាងខ្លាំងរបស់បុគ្គលិកក្នុងស្រុក ក្នុងការជ្រើសរើសការងារនៅវិស័យអាកាសចរណ៍ស៊ីវិល ហើយនឹងបណ្តុះបណ្តាលអ្នកធ្វើការងារអាកាសចរណ៍ស៊ីវិលបន្ថែមទៀត ដើម្បីអភិវឌ្ឍសង្គមប្រទេសកម្ពុជា ក៏នឹងធ្វើឱ្យប្រសើរឡើងយ៉ាងខ្លាំងផងដែរ នូវសុវត្ថិភាពនៃការហោះហើរអាកាសចរណ៍ស៊ីវិលកម្ពុជា។ ទី៣ គឺសង្ឃឹមថាមជ្ឈមណ្ឌលហោះហើរអាកាសយានហាត់ត្រាប់អន្តរជាតិ អាចអភិវឌ្ឍល្អ និងឆាប់រហ័សក្លាយជាស្តង់ដារនៅកម្ពុជា និងតំបន់អាស៊ាន និងរួមចំណែកកាន់តែច្រើនក្នុងការស្តារឡើងវិញនូវអាកាសចរណ៍ស៊ីវិល របស់ពិភពលោក ក្នុងយុគសម័យក្រោយ Covid-19។

ជាមួយគ្នានេះលោកបានលើកឡើងពីកង្វល់ចំនួន៣ អំពីការប្រើប្រាស់អាកាសយានហាត់ត្រាប់ ដែលទី១ គឺលក្ខណៈសម្បត្តិមនុស្ស ទី២ គឺការថែទាំ ឧបករណ៍ និងសម្ភារៈបរិក្ខារ និងទី៣ គឺការការពារគ្រោះថ្នាក់ពេលប្រើប្រាស់។

ក្នុងឱកាសនោះ លោក ម៉ៅ ហាវណ្ណាល់ បានចេញវិញ្ញាបនបត្របញ្ជាក់អាកាសយានហាត់ត្រាប់ ធ្វើចលនាពេញលេញ CAE1000-TSP Airbus 320 ស៊េរីដំបូង ជូនមជ្ឈមណ្ឌលហោះហើរអាកាសយានហាត់ត្រាប់អន្តរជាតិ។ ការចេញវិញ្ញាបនបត្រនេះ បង្ហាញថា មជ្ឈមណ្ឌលហោះហើរអាកាសយានហាត់ត្រាប់អន្តរជាតិ ត្រូវបានទទួលស្គាល់ជាផ្លូវការ ដោយរដ្ឋាភិបាលកម្ពុជា ហើយអាចធ្វើការបណ្តុះបណ្តាលអាកាសយានហាត់ត្រាប់ សម្រាប់អ្នកបើកយន្តហោះ ដែលមានជំនាញវិជ្ជាជីវៈអាកាសចរណ៍ស៊ីវិល៕