(ភ្នំពេញ)៖ ក្រសួងការងារងារ និងបណ្តុះបណ្តាលវិជ្ជាជីវៈ នៅថ្ងៃទី២៨ ខែមិថុនា ឆ្នាំ២០១៦នេះ បានប្រកាសឱ្យសហជីព និងសមាគមនិយោជកទាំងអស់ បំពេញតាមលក្ខខណ្ឌ និងអនុវត្តឱ្យបានត្រឹមត្រូវនូវរាល់កាតព្វកិច្ច ដូចមានចែងក្នុងច្បាប់សហជីព ដែលចេញជាធរមាន។
តាមសេចក្តីប្រកាសរបស់ លោករដ្ឋមន្រ្តីក្រសួងការងារ បានឱ្យដឹងថា ច្បាប់សហជីពនេះត្រូវបាន ព្រះមហាក្សត្រ ប្រកាសឱ្យប្រើប្រាស់តាមរយៈរាជក្រមមួយ កាលពីថ្ងៃទី១៧ ខែមិថុនា ឆ្នាំ២០១៦។
ការជំរុញឱ្យអនុវត្តឱ្យត្រឹមត្រូវតាមច្បាប់នេះ គឺដើម្បីធានានូវការការពារសិទ្ធិ និងផលប្រយោជន៍ស្របច្បាប់របស់ជនទាំងឡាយ ដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ និងបុគ្គលិកធ្វើការតាមផ្លូវអាកាស និងផ្លូវសមុទ្រ និងធានាសិទ្ធិសេរីភាពក្នុងការចរចាសមូហភាពរវាងកម្មករ និយោជិត និងនិយោជក ផងដែរ។
ខាងក្រោមនេះជាសេចក្តីប្រកាសរបស់ក្រសួងការងារ៖
