(ភ្នំពេញ)៖ បុរសម្នាក់បានដកកាំភ្លើងជ័រភ្ជង់គេ ដើម្បីសម្តែងអំណាច ត្រូវជនរងគ្រោះប្តឹងឲ្យកម្លាំងនគរបាល ចាប់វាយខ្នោះ នៅល្ងាចថ្ងៃទី២៣ ខែមីនា ឆ្នាំ២០១៦ នៅភូមិសាមគ្គី សង្កាត់ឬស្សីកែវ ខណ្ឌឬស្សីកែវ ។

សមត្ថកិច្ចបានឲ្យដឹងថា ជនសង្ស័យឈ្មោះ រដ្ឋ ឃ្លីមពីដា អាយុជាង៣០ឆ្នាំ រស់នៅភូមិ សង្កាត់កើតហេតុខាងលើ ចំណែជនរងគ្រោះឈ្មោះ សុខ សម្បត្តិ ភេទប្រុស ។

ក្រោយឃាត់ខ្លួន សមត្ថកិច្ចដកហូត វត្ថុតាងមាន កាំភ្លើងជ័រ១ដើម ដែកសំប៉ែតសម្រាប់កាច់កម៉ូតូ១ដើម និងកាបូបស្ពាយតូច១ ។ សម្រាប់មូលហេតុដែលនាំឲ្យមានអំពើខាងលើនេះ សមត្ថកិច្ចមិនទាន់បានបញ្ជាក់នៅឡើយទេ៕