(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ បានសម្រេចអនុគ្រោះដល់សមាជិកសមាគមគ្រឹះស្ថានឧត្តមសិក្សាកម្ពុជា ឲ្យផ្អាកការបង់ភាគទានមក បេឡាជាតិរបបសន្តិសុខសង្គម រយៈពេល ៦ខែ ដោយគិតចាប់តាំងពីខែមេសា ដល់ខែកញ្ញា ឆ្នាំ២០២០ តាមសំណើររបស់សមាគមគ្រឹះស្ថានឧត្តមសិក្សាកម្ពុជា។

លិខិតរបស់លោក អ៉ិត សំហេង រដ្ឋមន្ត្រីក្រសួងការងារ ដែលបណ្តាញព័ត៌មាន Fresh News ទទួលបាននៅថ្ងៃទី២៤ ខែមេសា ឆ្នាំ២០២០នេះបានលើកឡើងថា «ក្រសួងការងារ និងបណ្ដុះបណ្ដាលវិជ្ជាជីវៈ អនុញ្ញាតឱ្យគ្រឹះស្ថានសិក្សា ដែលជាសមាជិកនៃសមាគមគ្រឹះស្ថានឧត្តមសិក្សាកម្ពុជា ផ្អាកការបង់ភាគទាន ចាប់ពីខែមេសា រហូតដល់ខែកញ្ញា ឆ្នាំ២០២០»។

លោករដ្ឋមន្ត្រីបញ្ជាក់ទៀតថា ក្នុងករណីស្ថានភាពនៃជំងឺកូវីដ១៩ ត្រូវបានបញ្ចប់មុនខែកញ្ញា ឆ្នាំ២០២០ ព្រមទាំងមានការជូន ដំណឹងពីរាជរដ្ឋាភិបាល តម្រូវឱ្យគ្រឹះស្ថានសិក្សាគ្រប់កម្រិត និងគ្រប់ប្រភេទ ដំណើរការឡើងវិញនោះ គ្រឹះស្ថានសិក្សាដែលជាសមាជិក នៃសមាគមគ្រឹះស្ថានឧត្តមសិក្សាកម្ពុជា ត្រូវមានកាត្វកិច្ចបន្តបង់ភាគទាន ចាប់ពីខែដែលបានដំណើរការតទៅ៕

ក្រសួងការងារ និងបណ្តុះបណ្តាលវិជ្ជាជីវៈ បានសម្រេចអនុគ្រោះដល់សមាជិកសមាគមគ្រឹះស្ថានឧត្តមសិក្សាកម្ពុជា ឲ្យផ្អាកការបង់ភាគទានមក បេឡាជាតិរបបសន្តិសុខសង្គម រយៈពេល ៦ខែ ដោយគិតចាប់តាំងពីខែមេសា ដល់ខែកញ្ញា ឆ្នាំ២០២០ តាមសំណើររបស់សមាគមគ្រឹះស្ថានឧត្តមសិក្សាកម្ពុជា។

លិខិតរបស់លោក អ៉ិត សំហេង រដ្ឋមន្ត្រីក្រសួងការងារ ដែលបណ្តាញព័ត៌មាន Fresh News ទទួលបាននៅថ្ងៃទី២៤ ខែមេសា ឆ្នាំ២០២០នេះបានលើកឡើងថា «ក្រសួងការងារ និងបណ្ដុះបណ្ដាលវិជ្ជាជីវៈ អនុញ្ញាតឱ្យគ្រឹះស្ថានសិក្សា ដែលជាសមាជិកនៃសមាគមគ្រឹះស្ថានឧត្តមសិក្សាកម្ពុជា ផ្អាកការបង់ភាគទាន ចាប់ពីខែមេសា រហូតដល់ខែកញ្ញា ឆ្នាំ២០២០»។

លោករដ្ឋមន្ត្រីបញ្ជាក់ទៀតថា ក្នុងករណីស្ថានភាពនៃជំងឺកូវីដ១៩ ត្រូវបានបញ្ចប់មុនខែកញ្ញា ឆ្នាំ២០២០ ព្រមទាំងមានការជូន ដំណឹងពីរាជរដ្ឋាភិបាល តម្រូវឱ្យគ្រឹះស្ថានសិក្សាគ្រប់កម្រិត និងគ្រប់ប្រភេទ ដំណើរការឡើងវិញនោះ គ្រឹះស្ថានសិក្សាដែលជាសមាជិក នៃសមាគមគ្រឹះស្ថានឧត្តមសិក្សាកម្ពុជា ត្រូវមានកាត្វកិច្ចបន្តបង់ភាគទាន ចាប់ពីខែដែលបានដំណើរការតទៅ។

លោក ហេង វ៉ាន់ដា ប្រធានក្រុមប្រឹក្សាអភិបាល នៃសមាគមគ្រឹះស្ថានឧត្តមសិក្សាកម្ពុជា បានប្រាប់បណ្ដាញព័ត៌មាន Fresh News ថា សមាជិកសមាគមគ្រឹះស្ថានឧត្តមសិក្សា មានចំនួន១១៣គ្រឹះស្ថាន ហើយទំហំនៃការបង់ភាគទានជូនបេឡាជាតិរបបសន្ដិសុខសង្គម ក្នុងមួយខែប្រមាណ៨០០ដុល្លារសម្រាប់មួយគ្រឹះស្ថាន៕