(ភ្នំពេញ)៖ នៅម៉ោង១៧៖៣០នាទីល្ងាច ថ្ងៃទី៩ ខែធ្នូ ឆ្នាំ២០១៩ ជនសង្ស័យ២នាក់ ធ្វើសកម្មភាពឆក់កាបូបដៃ បានសសម្រេចរួចព្យាយាមជិះម៉ូតូគេចខ្លួន តែត្រូវបានប្រជាពលរដ្ឋឃើញស្រែកថាចោរៗ ធ្វើអោយជនសង្ស័យទាំង២នាក់ជិះជ្រុលទៅបុកម៉ូតូផ្សេងទៀត ស្របពេលជួបកម្លាំងល្បាតរបស់ខណ្ឌបឹងកេងកង តែម្តង រួចក៏ឃាត់ខ្លួនយកមកសាកសួរនៅអធិការដ្ឋាននគរបាលខណ្ឌ ហើយជនសង្ស័យទាំង២ត្រូវឃាត់ខ្លួននិងរៀបចំឯកសុំណុំរឿងបញ្ជូនទៅតុលាការ។
នៅម៉ោង១៤៖៣០នាទីបុរសម្នាក់ត្រូវបានកម្លាំងនគរបាលខណ្ឌបឹងកេងកង ធ្វើការឃាត់ខ្លួន នៅផ្លូវលេខ៣០៤ សង្កាត់បឹងកេងកងទី២ ពីបទលួចម៉ូតូកាលពីថ្ងៃទី ៥ខែធ្នូ ឆ្នាំ២០១៩ កន្លងទៅនេះ។
រីឯករណីមួយផ្សេងទៀតគឺ បុរសម្នាក់ត្រូវបានកម្លាំងនគរបាលខណ្ឌបឹងកេងកងធ្វើការឃាត់ខ្លួនពីបទប្រើប្រាស់គ្រឿងញៀន នាម៉ោងជាង៣រំលងអាធ្រាត្រឈានចូលថ្ងៃទី៩ខែធ្នូ ឆ្នាំ២០១៩ នៅតាមដងផ្លូវ បន្ទាប់ពីឃាតខ្លួនកម្លាំងបាន រកឃើញថ្នាំមួយកញ្ចប់ និងសម្ភារប្រើប្រាស់មួយចំនួន។
ជនសង្ស័យទាំង៤នាក់ត្រូវបានឃុំខ្លួនបណ្តោះ អាសន្ន និង រៀបចំឯកសាបញ្ជូនទៅកាន់តុលាការដើម្បីកាត់ទោសទៅតាមផ្លូវច្បាប់៕
