(សៀមរាប)៖ បន្ទាប់ពីសម្ដេចព្រះរាជបុត្រី ព្រះរៀម ទេពនាថវដ្ដីឯក នរោត្តម បុប្ផាទេវី ទ្រង់យាងសោយព្រះទិវង្គតរួចមក ពីខេត្តសៀមរាប អាជ្ញាធរជាតិអប្សរា បានចេញសារចូលរួមរំលែកព្រះរាជមរណទុក្ខចំពោះការចូលព្រះទិវង្គតរបស់ទ្រង់ ដែលជាព្រឹទ្ធាចារ្យសិល្បៈ របាំបុរាណរបស់ប្រជាជាតិខ្មែរយ៉ាងល្បីល្បាញ។
សម្ដេចព្រះរាជបុត្រី ព្រះរៀម ទេពនាថវដ្ដីឯក នរោត្តម បុប្ផាទេវី បានយាងសោយព្រះទិវង្គតនៅថ្ងៃចន្ទ ៧រោច ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៨ ខែវិច្ឆិកា ឆ្នាំ២០១៨ វេលាម៉ោង ១២:៣០នាទីថ្ងៃត្រង់ ក្នុងព្រះជន្មាយុ ៧៦ព្រះវស្សា នៅមន្ទីរពេទ្យក្នុងប្រទេសថៃ ដោយព្រះរោគាពាធ៕
