(ភ្នំពេញ)៖ ក្រុមជួញដូរ និងប្រើប្រាស់គ្រឿងញៀនចំនួន ៦នាក់ កាំភ្លើង ១ដើម និងថ្នាំញៀនចំនួន ២កញ្ចប់ ដែលក្រុមជនសង្ស័យទាំងនេះ កំពុងពពាក់ពពូនគ្នាប្រើប្រាស់ត្រូវបានបង្ក្រាប។ ប្រតិបត្តិការនេះធ្វើឡើងនៅថ្ងៃទី៨ ខែវិច្ឆិកា ឆ្នាំ២០១៩នេះ នៅភូមិព្រៃព្រីងជើង១ សង្កាត់ចោមចៅទី៣ ខណ្ឌពោធិ៍សែនជ័យ ក្រោមការបញ្ជាផ្ទាល់ពីលោក យឹម សារ៉ាន់ អធិការនគរបាលខណ្ឌពោធិ៍សែនជ័យ។
មន្ត្រីនគរបាលមូលដ្ឋាន បានឲ្យដឹងថា ជនសង្ស័យ ដែលត្រូវបានឃាត់ខ្លួន រួមមាន៖
ទី១៖ ឈ្មោះ អៀង ម៉េងហៀង ភេទប្រុស អាយុ២៨ឆ្នាំ មានមុខរបរមិនពិត ទីលំនៅភូមិចំការឪឡឹក១ សង្កាត់កាកាប១ ខណ្ឌពោធិ៍សែនជ័យ ជាម្ចាស់អាវុធខ្លី១ដើម ម៉ាក NP42 ត្រូវបានដកហូត ជាអ្នកជួញដូរ
ទី២៖ ឈ្មោះ វ៉ែន វៀន ភេទប្រុស អាយុ២២ឆ្នាំ មុខរបររើសអេតចាយ ស្នាក់នៅភូមិខាងលើ មានថ្នាំ១កញ្ចប់តូច
ទី៣៖ ឈ្មោះ យឿង ស្រឹប ភេទប្រុស អាយុ២០ឆ្នាំ មុខរបររើសអេតចាយ ស្នាក់នៅភូមិជម្ពូវ័ន សង្កាត់ចោមចៅ៣
ទី៤៖ ឈ្មោះ ឈិត សុលៀង ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅភូមិព្រៃព្រីងជើង សង្កាត់ចោមចៅ៣
ទី៥៖ ឈ្មោះ ជ័យ ផាន ភេទប្រុស អាយុ៤១ឆ្នាំ មុខរបរមិនពិតប្រាកដ
ទី៦៖ ឈ្មោះ មាស សុភ័ក្រ ភេទប្រុស អាយុ៤៧ឆ្នាំ មុខរបរមិនពិតប្រាកដ។
បច្ចុប្បន្ន ជនសង្ស័យត្រូវបាននាំខ្លួន សាកសួរនៅប៉ុស្តិ៍ចោមចៅទី៣ ដើម្បីសួរនាំនិងកសាងសំណុំរឿង បញ្ជូនទៅផ្នែកជំនាញព្រហ្មទណ្ឌខណ្ឌ ចាត់ការបន្តតាមនីតិវិធីច្បាប់៕
