(ក្រចេះ)៖ ក្នុងឱកាសបុណ្យភ្ជុំបិណ្ឌ នៅព្រឹកថ្ងៃទី២៥ ខែកញ្ញា ឆ្នាំ២០១៩នេះ លោក គង់ គឹមនី អភិបាលស្រុកស្នួល បានដឹកនាំមន្រ្តីរបស់ខ្លួន នាំយកអំណោយចែកជូនដល់ពលរដ្ឋគ្រួសារក្រីក្រ និងចាសជរាចំនួន២៤០គ្រួសារ មកពីឃុំចំនួន៥ នៅសាលាស្រុកស្នួល។
ក្នុងឱកាសចុះសួរសុខទុក្ខ និងចែកអំណោយនោះដែរ លោក គង់ គឹមនី បានផ្ដាំផ្ញើដល់ពលរដ្ឋឲ្យថែទាំសុខភាពឲ្យបានល្អ ត្រូវហូបស្អាត រស់នៅឲ្យមានអនាម័យ ត្រូវប្រយត្ន័ក្មេងកុំឲ្យលេងទឹក តាមអូរ ឬព្រែក។
ពាក់ព័ន្ធបញ្ហាភូមិ-ឃុំមានសុវត្ថិភាព លោកស្នើដល់ពលរដ្ឋ ជួយណែនាំកូនចៅចៀសឲ្យឆ្ងាយពីគ្រឿងញៀន ពេលធ្វើដំណើរទៅណាមកណា ត្រូវពាក់មួកសុវត្ថិភាពឲ្យបានគ្រប់គ្នា ដើម្បីចៀសវាងគ្រោះថ្នាក់ចរាចរណ៍។
សូមបញ្ជាក់ថា អំណោយទាំងនោះបានមក ពីសាខាកាកបាទក្រហមខេត្ត មន្ទីរសុខាភិបាលខេត្ត និងអំណោយរបស់លោក សាយ សំអាល់ រដ្ឋមន្រ្តីក្រសួងបរិស្ថាន ដោយក្នុងនោះពលរដ្ឋទាំង២៤០គ្រួសារ ក្នុង១គ្រួសារ ទទួលបាន អង្ករ១បេ មុង១ ទឹកត្រី១យួរ និងត្រីខ១យួរ៕
