(ភ្នំពេញ)៖ តំណាងរដ្ឋសភា អ្នកតំណាងរាស្ត្រមណ្ឌលព្រៃវែង លោក ជាម ប៉េអា បានជំរុញឲ្យប្រជាពលរដ្ឋរួមគ្នាដាំដើមឈើ និងរក្សាដើមឈើនៅទីសាធារណៈ ដើម្បីជាប្រយោជន៍ទាំងអស់គ្នា។ ការជំរុញ និងអំពាវនាវតំណាងរដ្ឋសភានេះ ខណៈនាំប្រជាពលរដ្ឋដាំដើមឈើដើម្បី ទុកជាប្រយោជន៍សាធារណៈ ក្នុងពិធីកាន់បិណ្ឌវេនទី៨ នៅស្រុកស៊ីធរកណ្តាល ខេត្តព្រៃវែង នាព្រឹកថ្ងៃទី២១កញ្ញាឆ្នាំ២០១៩។
លោក ជាម ប៉េអា អ្នកតំណាងរាស្រ្តមណ្ឌលខេត្តព្រៃវែង និងតំណាងរដ្ឋសភា បាននាំកូនឈើជាង៣ពាន់ដើម ដែលមានប្រជាពលរដ្ឋចូលរួមដាំ ដើម្បីទុកជាប្រយោជន៍សាធារណៈ និងបានចុះពិនិត្យផ្លូវមួយខ្សែប្រវែង៣០០ម៉ែត្រ ដែលបានកសាងដើម្បីបម្រើផលប្រយោជន៍ប្រជាពលរដ្ឋធ្វើដំណើរ។
ពិធីនេះធ្វើឡើងក្នុងឱកាសដែល លោកអញ្ជើញមកកាន់វេនបិណ្ឌទី៨ នៅវត្តរតនមង្គលគង់សរ ហៅវត្តអន្លុង់ស និងវត្តបុទមរតនារាមហៅវត្តព្រៃដើមថ្នឹងខាងជើង ស្ថិតក្នុងឃុំរំលេច និងឃុំព្រៃដើមថ្នឹងខាងជើង ស្រុកស៊ីធរកណ្តាល ខេត្តព្រៃវែង លោក ជាម ប៉េអា និងភរិយា បានរាប់បាត្រ ប្រគេនទេយ្យទាន និងបច្ច័យ ចំពោះព្រះសង្ឃ ដែលគង់ចាំព្រះវស្សា និងសម្រាប់ការសាងសង់សមិទ្ធផលនានា ក្នុងវត្តវត្តរតនមង្គលគង់សរ៍ ហៅវត្តអន្លុង់សរ និងវត្តបុទមរតនារាម ហៅវត្តព្រៃដើមថ្នឹងខាងជើង ដោយសទ្ធាជ្រះថ្លាជាទីបំផុត។
នៅក្នុងឱកាសនេះ លោក និងភរិយា បានឧទ្ទិសបួងសួងបុណ្យកុសល ដែលកើតឡើងក្នុងបិណ្ឌ៨នេះ ជូនចំពោះដួងវិញ្ញាណក្ខន្ធទាំងបុព្វការីជន វីរៈជនស្នេហាជាតិទំាងអស់ ដែលបានចែកឋានទៅហើយ សូមបានសោយសុខក្នុងឋានបរមសុខកុំបីឃ្លៀងឃ្លាតឡើយ។ លោកក៏សូមបួងសួង ចំពោះគុណបុណ្យ ព្រះរតនត្រ័យ កែវទាំងបី សូមជួយថែរក្សាប្រជាពលរដ្ឋទូរទាំងប្រទេស ជួបតែសុខ និងសេចក្ដីចម្រើន ប្រកបកិច្ចការងារអ្វីសម្រេចបានគ្រប់ភារកិច្ច។
បន្ទាប់មកលោក និងភរិយាយ បាននាំកូនឈើជាង៣ពាន់ដើម ដែលមានប្រជាពលរដ្ឋចូលរួមដាំ ដើម្បីទុកជាប្រយោជន៍សាធារណៈនៅក្នុងវត្តរតនមង្គលគង់សរ៍ ហៅវត្តអន្លុង់សរ និងវត្តបុទមរតនារាម ហៅវត្តព្រៃដើមថ្នឹងខាងជើង និងបានចុះពិនិត្យផ្លូវមួយខ្សែ ប្រវែង៣០០ម៉ែត្រ ដែលបានកសាងដើម្បីបម្រើផលប្រយោជន៍ ប្រជាពលរដ្ឋធ្វើដំណើរផងដែរ។
សូមជម្រាបថា ការអញ្ជើញចូលរួម និងចុះមូលដ្ឋានមានការអនុញ្ញាតពីរដ្ឋសភា ដើម្បីសួរសុខទុក្ខប្រជាពលរដ្ឋដែល ខណៈដែលលោកមានតួននាទីជា អ្នកតំណាងរាស្ត្រនៅក្នុងខេត្តនេះ៕
