(ឧត្តរមានជ័យ)៖ បុរសម្នាក់ដែលជាកសិករក្រីក្ររស់នៅភូមិអូរសោម ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ បានមានសំណាងឈ្នះរង្វាន់ធំពីតែបៃតង អ៊ីឈីតាន់ នូវទឹកប្រាក់ចំនួន១០០លានរៀល កាលពីចុងសប្ដាហ៍កន្លងទៅនេះ។
ថ្លែងប្រាប់ក្រុមការងារ ដែលបានចុះប្រគល់រង្វាន់ធំដល់លំនៅដ្ឋានដោយផ្ទាល់ លោក អឿន អុន ដែលជាអ្នកឈ្នះរង្វាន់ប្រាក់លានរបស់តែបៃតង អ៊ីឈីតាន់ បានរៀបរាប់ប្រាប់ឱ្យដឹងថា កាលពីចុងសប្ដាហ៍កន្លងទៅ ក្រោយពេលមកពីធ្វើចម្ការដំឡូងមីវិញ ហើយមានអាការៈហត់ ក្ដៅ អស់កម្លាំង និងមានភាពស្រេកទឹកផងនោះ លោកបានទិញតែបៃតង អ៊ីឈីតាន់ រសជាតិក្រូចឆ្មារទឹកឃ្មុំចំនួន៤ដប ពីអ្នកលក់ដែលជិះម៉ូតូលក់នៅតាមភូមិទទួលទានខ្លួនឯងផង និងចែកឱ្យកូនផង លុះពេលមួលគម្របដប ក៏ស្រាប់តែឃើញមានរង្វាន់ ១០០លានរៀលនៅក្នុងគម្របដបតែម្ដង។
ភ្លាមនោះលោកពិតជាមានអារម្មណ៍រំភើបខ្លាំង ហើយក៏បានស្រែកប្រាប់ប្រពន្ធ និងញាតិមិត្តជិតខាងឱ្យមកចោមរោមមើល រួមជាមួយនឹងទូរសព្ទជូនដំណឹងដល់ក្រុមហ៊ុន តាមរយៈលេខទូរស័ព្ទ ដែលមានស្រាប់នៅនឹងគម្របដប។
លោកបានបញ្ជាក់ទាំងអារម្មណ៍រំជើបរំជួលទៀតថា តាំងពីមុនមកលោកមិនធ្លាប់នឹកគិតថា អាចមានលុយច្រើនសន្ធឹកសន្ធាប់ដូច្នេះនោះទេ ព្រោះគ្មានមុខរបរអ្វី ក្រៅពីស៊ីឈ្នួលធ្វើចម្ការដំឡូងមីឱ្យគេ ដើម្បីបានលុយបន្តិចបន្តួចគ្រាន់ចិញ្ចឹមក្រពះតែប៉ុណ្ណោះ ដែលសូម្បីតែផ្ទះក៏គ្មានជ្រកកោនផងនោះ ប៉ុន្តែពេលនេះតែបៃតង អ៊ីឈីតាន់ បានជួយកែប្រែជោគវាសនាគ្រួសាររបស់លោក ឱ្យមានភាពល្អប្រសើរហើយ។
ក្រោយពីទទួលបានលុយរង្វាន់ធំ ១០០លានរៀល លោកនឹងយកមួយចំនួនទៅសងបំណុលគេ និងសង់ផ្ទះស្នាក់នៅតូចល្មមមួយ ហើយទុកមួយចំណែកទៀត បង្កើតមុខរបរ ដើម្បីទ្រទ្រង់ជីវភាពទៅថ្ងៃអនាគត។
គួរបញ្ជាក់ផងដែរថា សម្រាប់រដូវកាលទី៣ ឆ្នាំ២០១៩នេះ ក្រុមហ៊ុនតែបៃតង អ៊ីឈីតាន់ បានបង្កើនរង្វាន់ធំនូវចំនួនទឹកប្រាក់ ១០០លានរៀល រហូតដល់ ៧០រង្វាន់, ម៉ូតូ Scoopy i ចំនួន៧០រង្វាន់ , ទូរស័ព្ទ iphone Xs ចំនួន៧០រង្វាន់ រួមជាមួយនឹងរង្វាន់ Free តែបៃតងអ៊ីឈីតាន់ រាប់លានរង្វាន់ទៀត។ រួសរាន់ឡើង អ្នកដែលមានសំណាងបានក្លាយជាសេដ្ឋីបន្ទាប់អាចជារូបអ្នក៕
