(ភ្នំពេញ)៖ បេក្ខនារីបវរកញ្ញាកម្ពុជា (Miss Grand Cambodia) គឺកញ្ញា ឌី លីកា (Dy Lika) បានឆ្លងផុតវគ្គ ២០ប្រទេស (Top 20) ដែលមានឈុតសម្លៀកបំពាក់ ប្រពៃណីជាតិល្អបំផុតរួចហើយ បច្ចុប្បន្ន​បេក្ខនារីយើង កំពុងត្រូវការពិន្ទុតាមរយៈការ Like និង Share ពីសំណាក់ប្រជាពលរដ្ឋឲ្យបានច្រើនៗថែមទៀត ដើម្បីទទួលបានជ័យលាភី ក្នុងការប្រកួតបន្តឈុតតំណាងជាតិល្អបំផុត ក្នុងចំណោមឈុតទាំង២០​។ 

សូមចុចលីងទីនេះដើម្បី Like និង Share>

ក្រៅពីការប្រកួតរកម្ចាស់ «ពានរង្វាន់ឈុតតំណាងជាតិល្អផ្តាច់គេ» តាមរយៈការ Like និង Share នៅលើបណ្តាញសង្គម Facebook កម្មវិធី «Miss Grand International» ក៏បានប្រកាសពីការបោះឆ្នោត តាមរយៈ Application ដើម្បីផ្តល់ពិន្ទុរកម្ចាស់ «ពានរង្វាន់ប្រជាប្រិយភាព» ប្រចាំកម្មវិធី «Miss Grand International 2018» ថែមទៀតផង ដែលភាគច្រើនពុំសូវមានអ្នកបោះតាមរបៀបនេះឡើយ ទើបមកទល់នឹងថ្ងៃទី១៧តុលានេះ បេក្ខនារីកម្ពុជាយើងឈរត្រឹមលេខរៀងទី​១០ ក្នុងចំណោមបេក្ខភាពទាំង​១០រូប ដែលមានអ្នកបោះឆ្នោតគាំទ្រច្រើនជាងគេ​។

ដូច្នេះសូមជនរួមជាតិខ្មែរទាំងអស់គ្នា ចូលរួមបោះឆ្នោតដល់បេក្ខនារីរបស់យើង ដើម្បី​មានឱកាសទទួលបានពានរង្វាន់ ប្រជាប្រិយភាពតំណាងជាតិខ្មែរយើង ចាប់ពីថ្ងៃនេះរហូតដល់ពេលប្រកួតផ្តាច់ព្រ័ត្រ ថ្ងៃទី​២៥ ខែតុលា ២០១៨​។

របៀបនៃការបោះឆ្នោត៖
១- លោកអ្នកត្រូវទាញយកកម្មវិធី ដែលមានឈ្មោះថា «Star Phone» តាមរយៈតំណរភ្ជាប់ខាងក្រោម
សម្រាប់ Android ៖ https://play.google.com/store/apps/details?id=com.onesmartstar.phoneivr&hl=en
សម្រាប់ IOS ៖ https://itunes.apple.com/gb/app/star-phone-one-smart-star/id1040781243?mt=8

២- ចូលទៅក្នុងកម្មវិធី «Star Phone» រួចវាយ «*789» រួចចុចបញ្ជូន​ ឬ​ចុចក្នុងប្រអប់ស្វែងរក «MGI» លោកអ្នកនឹងឃើញផ្ទាំងពណ៌បៃតង និងរូបភាពរបស់កម្មវិធី «Miss Grand International» រួចចុចត្រង់ពាក្យ «VOTE» ដើម្បីចូលទៅបោះឆ្នោត។

៣- ជំហានបន្ទាប់លោកអ្នកគ្រាន់តែ ស្វែងរកបេក្ខនារីតំណាងប្រទេសកម្ពុជា រួចចុច «​1 vote for free» ជាការស្រេច​៕