(ក្វាងទុង-ចិន)៖ នៅវេលាម៉ោងជិត៥ល្ងាច (ម៉ោងនៅប្រទេសចិន) ថ្ងៃទី២៤ ខែមេសា ឆ្នាំ២០១៨នេះ លោក វ៉ាន់ សារាយ និពន្ធនាយករងអង្គភាពព័ត៌មាន Fresh News បានបន្ដបំពេញទស្សនកិច្ចនៅក្រុមហ៊ុន «HUAWEI» ដែលជាក្រុមហ៊ុនផលិតសម្ភារអេឡិចត្រូចិន និងទូរស័ព្ទដៃដែលល្បាញល្បីមួយនៅប្រទេសចិន។
ក្រុមហ៊ុន «HUAWEI» បានបន្ដចែកចាយផលិតផលរបស់ខ្លួន ពិសេសទូរស័ព្ទទៅកាន់បណ្ដាប្រទេសផ្សេងៗ ក្នុងនោះក៏មានកម្ពុជាផងដែរ ដែលកំពុងតែទទួលបានការគាំទ្រយ៉ាងខ្លាំង នូវទូរស័ព្ទម៉ាក «HUAWEI» នេះ។
ការបំពេញទស្សនកិច្ចនេះ ក្រៅពីអ្នកព័ត៌មានមកពីប្រទេសកម្ពុជា ក៏មានអ្នកព័ត៌មានមកពីបណ្ដាប្រទេសសមាជិកអាស៊ាន ចំនួន៤ និងប្រទេសនៅតំបន់អាស៊ីចំនួន ៦ផ្សេងទៀត រួមមានកម្ពុជា ថៃ មីយ៉ាន់ម៉ា ឥណ្ឌូនេស៊ី ម៉ាឡេស៊ី ប៉ាគីស្ថាន ស្រីលង្កា ឥណ្ឌា និងនេប៉ាល់ផងដែរ។
ក្រុមហ៊ុន «HUAWEI» មានទីស្នាក់ធំនៅក្រុងសិនចិន ខេត្តក្វាងទុង ប្រទេសចិន បានផ្ដល់ឱកាសការងារយ៉ាងច្រើនរហូតដល់១៨ម៉ឺននាក់ ដែលជាប្រជាពលរដ្ឋនៅក្នុងក្រុងសិនចិន ក៏ដូចជាខេត្តក្វាងទុងទាំងមូល៕
