(វ៉ាស៊ីនតោន)៖ ប៉ូលិសអាមេរិកបានឱ្យដឹងថា សិស្សសាលាពីរនាក់ និងខ្មាន់កាំភ្លើងម្នាក់ បានស្លាប់នៅក្នុងហេតុការណ៍បាញ់ប្រហារ ក្នុងសាលារៀនមួយកន្លែងស្ថិតនៅ ភាគពាយ័ព្យនៃរដ្ឋ ញូ មិចស៊ីកូ (New Mexico) សហរដ្ឋអាមេរិក។ នេះបើតាមការចេញផ្សាយដោយ ទីភ្នាក់ងារសារព័ត៌មានចិន ស៊ីនហួរ នៅព្រឹកថ្ងៃសុក្រ ទី០៨ ខែធ្នូ ឆ្នាំ២០១៧។
យោងតាមប៉ូលិលក្នុងរដ្ឋ New Mexico ហេតុការណ៍បាញ់ប្រហារនេះ បានកើតឡើងកាលពីព្រឹកថ្ងៃព្រហស្បតិ៍ (ពេលវេលានៅអាមេរិក) ប៉ុន្តែទន្ទឹមគ្នាពួកគេមិនបានបញ្ជាក់ពីអត្តសញ្ញាណ នៃជនសង្ស័យ ឡើយ ដោយគ្រាន់តែថាខ្មាន់កាំភ្លើងគឺជាបុរសម្នាក់។ ជាងនេះទៅទៀត ប៉ូលិលបានទាត់ចោលផងដែរនូវសេចក្ដីរាយការណ៍ដែលថា មានមនុស្សជាច្រើន នាក់ផ្សេងទៀតបានរងរបួស ខណៈប៉ូលិសនៅតែបន្តការស៊ើបអង្កេត និងជំរុញឱ្យអ្នកបានឃើញហេតុការណ៍ផ្ទាល់ភ្នែក រាយការណ៍ដល់ប៉ូលិសបន្ថែមទៀត។
គួរបញ្ជាក់ថា ហេតុការណ៍បាញ់ប្រហារខាងលើ បានកើតឡើងកាលពីម៉ោង ៨៖០០នាទីព្រឹកថ្ងៃព្រហស្បតិ៍ (ម៉ោងនៅវ៉ាស៊ីនតោន) នៅឯសាលាឈ្មោះ Aztec High School ក្នុងតំបន់ អាសតិច (Aztec) ដែលស្ថិតនៅចំងាយ ២៩០គីឡូម៉ែត្រ ពីភាគពាយ័ព្យរដ្ឋ New Mexico៕
