(ប៉េកាំង)៖ អ្នកសារព័ត៌មានរបស់ BBC មួយរូបត្រូវបានគេរារាំងមិនឲ្យធ្វើការជួបសន្ទនា ជាមួយនឹង​ស្រ្តីម្នាក់ដែលកំពុងឈរឈ្មោះ ជាបេក្ខភាពតំណាងរាស្រ្តឯករាជ្យ នៅក្នុងការបោះឆ្នោតថ្នាក់ឃុំសង្កាត់ នៃ​ប្រទេសចិន ដែលនឹងប្រពឹ្រត្តទៅនាដើមឆ្នាំ២០១៧ ឆាប់ៗនេះ។ នេះបើតាមការចេញផ្សាយដោយ​សារព័ត៌មាន BBC នៅមុននេះបន្តិចនាព្រឹកថ្ងៃសុក្រ ទី១៨ ខែវិច្ឆិកា ឆ្នាំ២០១៧។

នៅពេលដែលលោក John Sudworth អ្នកសារព័ត៌មានទូរទស្សន៍ BBC បានធ្វើដំណើរទៅកាន់​លំនៅឋាន​របស់ស្រ្តីខាងលើ មនុស្សមួយក្រុមមានគ្នាជិត ៣០នាក់ ដែលគេមិនបានដឹងច្បាស់ថា ជា​ប៉ូលិស ឬក្រុមណាឲ្យប្រាកដនោះ បាននាំគ្នាឈរព័ទ្ធជុំវិញនៅខាងមុខមាត់ទ្វារចូលដើម្បីរារាំងមិនឲ្យលោក Sudworth ចូលទៅជួបស្រ្តីម្នាក់នោះឡើយ ហើយថែមទាំងបានព្យាយាមមិនឲ្យមានការថតយក​វីដេអូ និងបានបណ្តេញអ្នកសារព័ត៌មាន BBC រូបនេះចាកចេញពីទីនោះទៀតផង៕

ទស្សនាវិដេអូខាងក្រោម៖