(បាដាត)៖ ក្រុមអង្គការការពារសិទ្ធិមនុស្សបានចោទប្រកាន់កងកម្លាំងរដ្ឋាភិបាលអ៊ីរ៉ាក់ ថាបានសម្លាប់និងធ្វើទារុណកម្មលើជនស៊ីវិលជាច្រើននាក់ នៅឯភាគខាងត្បូងទីក្រុង Mosul ដែលនេះគឺហានិភ័យមួយនៃការកើន ឡើងនៃអំពើរំលោភសិទ្ធិមនុស្សរួមទំាងការធ្វើទារុណកម្ម ខណៈទីក្រុងវ៉ាស៊ីនតោនកំពុងគាំទ្រប្រតិបត្តិការយោធាវាយដណ្ដើមទីក្រុង Mosul ពីពួក ISIS មកវិញបន្ទាប់ពីក្រុមមួយនេះកាន់កាប់តំាងតែពីឆ្នាំ២០១៤មក។ នេះបើតាមការចេញផ្សាយដោយសារព័ត៌មាន Channel News Asia នៅរសៀលថ្ងៃព្រហស្បតិ៍ ទី១០ ខែវិច្ឆិកា ឆ្នាំ២០១៦។
យោងតាមអង្គការលើកលែងទោសអន្តរជាតិ (Amnesty International) ជនស៊ីវិល០៦នាក់ត្រូវបានសម្លាប់កាលពីខែតុលា នៅក្នុងស្រុក Shura និងស្រុក Qayyara ដោយកងកម្លំាងសន្តិសុខដែលដាក់ការសង្ស័យលើពួកគេថាមានទំនាក់ទំនងជាមួយនិងពួក ISIS។ ដោយឡែកអង្គការឃ្លំាមើលសិទ្ធិមនុស្ស (Human Rights Watch) ក៏បានឱ្យដឹងដែរថាមនុស្សប្រុស៣៧នាក់ ត្រូវកងកម្លំាងអ៊ីរ៉ាក់ និងឃើដ ចាប់ខ្លួននៅប៉ុស្ដិ៍ត្រួតពិនិត្យមួយកន្លែងក្បែរទីក្រុង Mosul ហើយគេមិនដឹងនៅឡើយទេថា អ្នកទាំងនេះត្រូវឃុំនៅកន្លែងឱ្យប្រាកដ។
ទោះបីជាយ៉ាងណាក៏ដោយអ្នកនំាពាក្យក្រសួងមហាផ្ទៃអ៊ីរ៉ាក់បានបដិសេធការចោទប្រកាន់នេះ ត្បិតកងកម្លំាងអ៊ីរ៉ាក់ តែងតែគោរពសិទ្ធិមនុស្សនិងច្បាប់អន្តរជាតិជារៀងដរាបមក៕
