(វៀងចន្ទន៍)៖ អាជ្ញាធរសុខាភិបាលឡាវ នៅថ្ងៃសៅរ៍នេះ បានឱ្យដឹងថា ករណីឆ្លង COVID-19 ថ្មីៗចំនួន ២,៤០៤នាក់ ទើបត្រូវបានរាយការណ៍ សម្រាប់រយៈពេល២៤ម៉ោងចុងក្រោយ។ នេះបើតាមការចេញផ្សាយដោយសារព័ត៌មានឡាវ Lao News Agency នៅថ្ងៃសៅរ៍ ទី២ ខែមេសា ឆ្នាំ២០២២។
ក្នុងចំណោមករណីឆ្លងថ្មីៗទាំងនោះ មាន ១៣នាក់ ករណីនាំចូលពីក្រៅប្រទេស ហើយរដ្ឋធានីវៀងចន្ទន៍ ជាកន្លែងដែលរាយការណ៍ ករណីឆ្លងក្នុងស្រុកច្រើនជាងគេ គឺ១,៣៤៧ករណី។ ក្នុងរយៈពេល២៤ម៉ោង ចុងក្រោយដដែល ឡាវក៏បានរាយការណ៍ពីអ្នកជំងឺស្លាប់ថ្មី ៤នាក់ផងដែរ។
គួរបញ្ជាក់ថា គិតមកទល់ពេលនេះ ប្រទេសឡាវមានករណីឆ្លង COVID-19 សរុប ១៨១,៩៦៧នាក់ ក្នុងនោះស្លាប់ ៦៧៣នាក់៕
