(ពិភពលោក)៖ នៅថ្ងៃសុក្រ ទី០១ ខែមីនា ឆ្នាំ២០១៩នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ មេដឹកនាំកូរ៉េខាងជើង លោក គីម ជុងអ៊ុន ចាប់ផ្តើមដំណើរបំពេញទស្សនកិច្ចផ្លូវរដ្ឋរយៈពេល០២ថ្ងៃនៅវៀតណាម។
២៖ កប៉ាល់ដឹកទំនិញរុស្ស៊ីជ្រុលទៅបុកស្ពានក្នុងប្រទេសកូរ៉េខាងត្បូង ខណៈអ្នកបើកបរកប៉ាល់ត្រូវគេសង្ស័យថាស្រវឹងស្រា។
៣៖ សហរដ្ឋអាមេរិកប្រកាសប្រគល់វត្ថុបុរាណទ្រង់ទ្រាយធំ៣៦១បំណែកឲ្យដល់ប្រទេសចិនវិញ។
៤៖ អាជ្ញាធរអេក្វាទ័រ ព្រលែងពូជសត្វអណ្តើកយក្សចំនួន១៥៥ក្បាល នៅលើប្រជុំកោះ Galapagos។
៥៖ សហរដ្ឋអាមេរិកប្រកាសផ្ដល់ប្រាក់រង្វាន់១លានដុល្លារ សម្រាប់ព័ត៌មាននាំទៅរកការចាប់ខ្លួនកូនប្រុស Osama bin Laden។
៦៖ ចិនធ្វើតេស្តយានមុជទឹកជម្រៅ ក្រោយពីវាបានឆ្លងកាត់ការកែលម្អសមត្ថភាព។
៧៖ សិង្ហបុរីបញ្ជាទិញយន្តហោះចម្បាំងអាមេរិក F-35 ០៤គ្រឿងមកសាកល្បង ហើយបើត្រូវចិត្តខ្លួននឹងទិញថែម០៨គ្រឿងទៀត។
