(ភ្នំពេញ)៖ តារាម្តែងស្រីកំពុងក្រសោបបាន ប្រជាប្រិយភាព កញ្ញា វណ្ណ វល័ក្ខ បន្ទាប់ពីមានការចុះផ្សាយ នៅលើបណ្តាញសារសព័ត៌មាន ក្នុងស្រុកមួយចំនួន ស្របពេលមានដំណឹងលេចឮថា ភាពហ៊ឺហារ ដោយការប្រើប្រាស់សម្ភារៈ មានតម្លៃថ្លៃៗរបស់នាងបច្ចុប្បន្ន គឺបានមកពីការឧបត្ថម្ភ ពីសំណាក់ប្រុសស្នេហ៍នោះ ភ្លាមៗនេះបានធ្វើឲ្យតារាស្រី កញ្ញា វណ្ណ វល័ក្ខ ផ្ទុះប្រតិកម្មច្រានចោលថា ពុំមែនជាការពិតនោះឡើយ។
ជាប្រតិកម្មឆ្លើយតប ចំពោះដំណឹងខាងលើនេះ សាមីខ្លួន កញ្ញា វណ្ណ វល័ក្ខ ឆេះដុំចេញមុខបញ្ជាក់ថា សម្រាប់ភាពហ៊ឺហាររបស់នាងសព្វថ្ងៃ គឺពុំទទួលបានការជួយឧបត្ថម្ភ ពីបុរសណាម្នាក់ឡើយ។ ចំណែកឯរឿងដែលថា នាងកំពុងចងសម្ព័ន្ធភាពស្នេហា ក្រៅឆាក ជាមួយអ្នកមានឋានៈធំ ឬខ្ពស់នោះ ក៏គ្មានដែរ ពោលគឺសុទ្ធតែដំណឹងមិនពិតទាំងអស់។
កញ្ញា វណ្ណ វល័ក្ខ បានបញ្ជាក់ថា «តើឲ្យខ្ញុំនិយាយប៉ុន្មានដងទៀតថា ខ្ញុំគ្មានអ្នកជួយទំនុកបម្រុ ឬនៅពីក្រោយអ្វីទេ រីឯគូស្នេហ៍អីគេនឹងក៏គ្មានដែរ។ ខ្ញុំសូមប្រាប់ថា របស់ដែលខ្ញុំមានរាល់ថ្ងៃនេះ ជាកំលាំងញើសឈាមរបស់ខ្ញុំ ហើយរបស់ទាំងនេះមិនមែនសន្សុំមួយថ្ងៃ ឬពីរបានឯណា គឺខ្ញុំសន្សុំរាប់ឆ្នាំណា ទើបសល់ប៉ុណ្ណឹង!»។
តារាសម្តែងសម្បូរសាច់ដើមទ្រូងទ្រលុកទ្រលន់ វណ្ណ វល័ក្ខ បានបន្ថែមទៀតថា «ឥឡូវនេះប្អូនបាននិយាយរួចហើយ សូមបងៗជួយកែសម្រួលឲ្យប្អូនផង ព្រោះថាពាក្យដែលបងសសេរមកនេះដូចរាងធ្ងន់ដែរ ហើយក៏អាចខូចឈ្មោះនាងខ្ញុំទៀត សូមអរគុណ»៕
