(ភ្នំពេញ)៖ បេក្ខនារី EAT WITH BEE បានឈ្នះជ័យលាភីក្នុងកម្មវិធី «CAMBODIAN NET IDOL» រដូវកាលទី២ ជាមួយទឹកប្រាក់ ២ម៉ឺនដុល្លារ ក្នុងឆ្នាំ២០២០ដែលជាការប្រកួតធ្វើវីឌីអូ (Blogger) ហើយក្នុងនោះក៏មានបេក្ខជន ដែលមានឈ្មោះហៅក្រៅថា D.R ទទួលបានលេខ ២ និងបេក្ខជន MANITH ទទួលបានលេខ ៣ ខណៈការប្រកាសលទ្ធផលចុងក្រោយនេះ បានធ្វើឡើងនាថ្ងៃទី ១៤ខែមីនា ឆ្នាំ២០២០។
សម្រាប់ការប្រកួតធ្វើវីឌីអូ (Blogger) រដូវកាលទី ២ឆ្នាំ២០២០ ដោយប្រាក់រង្វាន់ដែលត្រូវទទួលបានលេខ១ បេក្ខនារី EAT WITH BEE ទទួលបាន ២ម៉ឺនដុល្លារ, លេខ ២ ទទួលបាន ១ម៉ឺនដុល្លារ បានទៅលើបេក្ខជន D.R និងលេខ ៣បានទៅលើបេក្ខជន Manith ទទួលបាន ៥ពាន់ដុល្លារ បន្ទាប់ពីឆ្លងកាត់ប្រកួតជម្រុះអស់រយៈពេល ៩វគ្គកន្លងមកនេះ។
ក្រោយរកឃើញម្ចាស់ជ័យលាភី គឺបេក្ខនារី EAT WITH BEE ដែលបានធ្វើវីឌីអូ ដែលនិយាយពីពេលវេលាប្រចាំថ្ងៃរបស់ខ្លួន មានឈ្មោះថា Food Blogger ដែលចង់បង្ហាញពីការរស់នៅប្រចាំថ្ងៃ ខណៈជ័យលាភីលេខ ១នេះក្រៅពីទទួលបានប្រាក់រង្វាន់ ២ម៉ឺនដុល្លារហើយនោះ ក៏នឹងទទួលបាន ការចុះកុងត្រា១ ឆ្នាំជាមួយក្រុមហ៊ុន Machha talent agency និងទទួលបានទូរស័ព្ទចល័តពីក្រុមហ៊ុន Xiaomi បន្ថែមលើគម្រោងទូរស័ព្ទចល័តគ្មានដែនកំណត់ ពេញ ១ឆ្នាំពីក្រុមហ៊ុន Yes018។
សូមបញ្ជាក់ថា ក្នុងកម្មវិធីនោះផងដែរ ក៏មានការចូលរួមពីសំណាក់កញ្ញា កុសុម៉ា កញ្ញា Nikki Nikki និង លោកសម្បត្តិ និងបានចែករំលែកពីបទពិសោធន៍របស់ពួកគេ ជាមួយបេក្ខភាពទាំងអស់ក្នងការសម្តែង និងបំពេញតួនាទីជាអ្នកណែនាំបេក្ខភាពទាំងអស់ តាមរយៈវិញ្ញាសារប្រកួតប្រចាំសប្តាហ៍ និងជួយផ្តល់ដំបូងន្មាន និងបទពិសោធន៍ល្អៗ ដល់ពួកគេឱ្យរីកចម្រើនកាន់តែប្រសើរឡើង ក្នុងការបង្កើតមាតិកា ការទទួលបានអ្នកគាំទ្រ និងការបង្កើតបុគ្គលិកលក្ខណៈមួយតាមប្រព័ន្ធអ៊ីនធើណែត៕