(មែនប៊ិន)៖ កីឡាករវាយកូនបាល់ទោល Novack Djokovic បានកក់កៅអីឡើងទៅវគ្គផ្តាច់ព្រ័ត្រនៃពានរង្វាន់ Australian Open 2020 ជាផ្លូវការហើយ បន្ទាប់ពីទម្លាក់គូប្រជែង Roger Federer ក្នុងវគ្គ ៤នាក់ចុងក្រោយនាយប់មិញនេះ។
បុរសវ័យ ៣២ឆ្នាំ សញ្ជាតិស៊ែប៊ី Djokovic បន្តឈានដល់ការដណ្តើមពានក្នុងក្របខណ្ឌធំ Grand Slam ជាលើកទី១៧ ក្នុងអាជីព Tennis របស់ខ្លួន ដោយត្រូវប៉ះគូប្រដែង Dominic Thiem ឬក៏ Alexander Zverev ដែលប្រកួតបញ្ចប់វគ្គ ៤នាក់ចុងក្រោយយប់នេះ មុនវគ្គផ្តាច់ព្រ័ត្រនឹងធ្វើឡើងនៅនារាត្រីថ្អៃអាទិត្យចុងសប្តាហ៍នេះ នៅប្រទេសអូស្រ្តាលី។
ក្នុងជំនួបដ៏ស្វិតស្វាញទល់នឹងជើងខ្លាំងមកពីស្វីស Federer កីឡាករឈរនៅលំដាប់លេខ១ ពិភពលោក Djokovic បានយកឈ្នះក្នុងលទ្ធផល ៤-១ មុនពេលគ្រប់គ្រងការប្រកួតទាំងស្រុងក្នុងការវាយ tie-break៕