(ប៉ារីស)៖ ក្រុមបាល់ទាត់ Paris Saint-Germain របស់បារាំង និង Bayern Munich របស់អាល្លឺម៉ង់ បានឡេីងទៅវគ្គ ១៦ក្រុមនៃព្រឹត្តិការណ៍ UEFA Champions League ក្រោយបន្តឈ្នះរៀងៗខ្លួននាយប់ទៀត។
ក្រុមជេីងឯកបារាំង PSG បានរក្សាប្រវត្តិលេងមិនចាញ់នៅ UCL រដូវកាលឆ្នាំ២០១៩-២០២០ តាមរយ:ឈ្នះ ៤ប្រកួតជាប់គ្នាប្រចាំពូល A រកបាន ១២ពិន្ទុនាំមុខកំពូលតារាងដាច់ ដោយនៅសល់ ២ប្រកួតទៀត។
សមាជិកថ្មី Mauro Icardi ជាអ្នកគ្រាប់ជ័យជម្នះ ១-០ ទៅលេីក្លឹបប៊ែលហ្សិក Club Brugge នៅនាទីទី២ ក្រោយទទួលបាល់ពីមិត្តរួមក្រុម Colin Dagba នៅកីឡដ្ឋាន Parc des Princes មុនក្រុមភ្ញៀវមានឱកាសតាមស្មេីដែរ តែទាត់បាល់ ១១ម៉ែត្រអត់ចូល។
យ៉ាងណាមិញ សម្រាប់ក្រុមជេីងឯកអាល្លឺម៉ង់ Bayern Munich ក៏បន្តរកបាន ៣ពិន្ទុក្នុងផ្ទះ ដោយយកឈ្នះ Olympiakos របស់ក្រិក ២-០ នៅកីឡដ្ឋាន Allianz Arena ពីការធ្វេីបានសម្រេចដោយកីឡាករ Robert Lewandowski នៅនាទី៦៩ និង Ivan Perisic នៅនាទីទី៨៩។
៣ពិន្ទុបន្ថែមនេះដែរ បានធ្វេីអោយ Munich រកបាន ១២ពិន្ទុឈរកំពូលតារាងនៃពូល B ដាច់ នៅសល់ ២ប្រកួតបង្គ្រប់កិច្ចជេីងទី៕