(ភ្នំពេញ)៖ កម្មវិធី មហាស្រពសិល្បៈចម្រៀងខ្មែរ ជាសកល គឺជាការប្រកួតប្រជែកប្រឡងចម្រៀងខ្មែរលំដាប់ជាតិ ដែលរួមបញ្ចូលជាមួយនឹងវិញ្ញាសារពីរទម្រង់ គឺវិញ្ញាសារបទចម្រៀងបុរាណខ្មែរ និងវិញ្ញាសារបទចម្រៀងសម័យខ្មែរ។
បន្ទាប់ពីឆ្លង់កាត់ការប្រកួតជាច្រេីនដំណាក់កាល ទីបំផុតរកឃេីញម្ចាស់ជ័យលាភីផ្នែកចម្រៀងសម័យខ្មែរហេីយ គឺបានទៅលេីបេក្ខនារីមកពីប្រទេសកាណាដា វង្ស ម៉ាលីន ខណ:ផ្នែកបុរសបានទៅលេីលោក គឹម សុឃឿន មកពីខេត្តបន្ទាយមានជ័យ។ដោយឡែក ផ្នែកចម្រៀងបុរាណ លេខ១បានទៅលេីបេក្ខនារី ឈុន ធីតាមកពីប្រទេសបារាំង និងលេខ១បុរស បានទៅលេីលោកបេក្ខជន ដួង វណ្ណៈ មកពី ខេត្តកំពង់ស្ពឺ។
មហាជនសម្តែងនូវក្តីសប្បាយរីករាយយ៉ាងខ្លាំង ដែលក្រសួងវប្បធម៌ និងវិចិត្រសិល្បៈព្រមទាំងក្រសួងពាក់ព័ន្ធបានរៀបចំកម្មវិធីនេះឡេីង។ ជាពិសេសបេក្ខភាព ដែលចូលរួមប្រឡងសុទ្ធតែមានសមត្ថភាព និងមានទឹកដមសំឡេងពិរោះតែម្តង។ ជាក់ស្តែង បេក្ខភាពមកពីប្រទេសកាណាដា មានពីររូប គឺវង្ស ម៉ាលីន និង សែម រ៉ាម៉ន។ ទោះមិនជាប់ជ័យលាភី តែលោក សែម រ៉ាម៉ន បានបង្ហាញនូវក្តីរីករាយយ៉ាងខ្លាំង ដែលបានឈានមកដល់វគ្គផ្តាច់ព្រ័ត្រ ហេីយមានឱកាសបានបង្ហាញសមត្ថភាពឲ្យបងប្អូនខ្មែរបានទស្សនាដោយផ្ទាល់។
គួរជម្រាបថា កម្មពិធី បិទមហោស្រពសិល្បៈចម្រៀងខ្មែរលេីកទី៥ និងការប្រកាសលិទ្ធផលប្រឡងចម្រៀងនេះ មានការអញ្ជេីញជាអធិបតីពីសំណាក លោកជំទាវ ម៉ែន សំអន និងអ្នកមុខអ្នកការមកពីក្រសួងពាក់ព័ន្ធ ព្រមទាំងបេក្ខជន- បេក្ខនារីមកពីទូទាំងបណ្តាខេត្តក្រុងនៃប្រទេសកម្ពុជា និងក្រៅប្រទេស ចូលរួមយ៉ាងច្រេីនកុះករដោយភាពសប្បាយរីករាយផងដែរ៕
