(កូរ៉េ)៖ អ្នកគាំទ្រជាច្រើនកំពុងតែមានមន្ទិលជុំវិញការស្លាប់ របស់តារាកូរ៉េស្រី Sulli ថាប្រហែលជាអាចនឹងមានរឿងអ្វីផ្សេងនៅពីក្រោយ ទោះបីជាប៉ូលីសបានបង្ហាញថា នាងចងកសម្លាប់ខ្លួនក្នុងផ្ទះ ដោយសារជំងឺបាក់ទឹកចិត្តក្តី។ ហេតុនេះហើយ ដើម្បីឲ្យអស់ការសង្ស័យ ប៉ូលីសក៏បានស្នើរសុំដីកាធ្វើកោសល្យវិច័យ លើសាកសពរបស់ Sulli ជាថ្មី ខណៈលទ្ធផលបឋមនៃការស៉ើបអង្កេត ត្រូវបានបញ្ជាក់ថា មិនមានសញ្ញាឃាតកម្មនៃការសម្លាប់នោះទេ។ នេះបើយោងតាមការដកស្រង់ការផ្សាយពីសារព័ត៌មាន Koreaboo នៅថ្ងៃទី១៦ ខែតុលា ឆ្នាំ២០១៩។
នៅថ្ងៃទី១៦ ខែតុលា ឆ្នាំ២០១៩ ប៉ូលីសនៅតំបន់ Seongnam បានចាប់ផ្តើមធ្វើកោសល្យវិច័យកាល ពីព្រឹកម៉ោង ៩ ដល់ ១១ (ម៉ោងក្នុងប្រទេសកូរ៉េ)។ ការធ្វើកោសល្យវិច័យនេះ គឺធ្វើឡើងនៅពីវិទ្យាស្ថានជាតិវិទ្យាសាស្ត្រស៊ើបអង្កេត។ លទ្ធផលនៃការធ្វើកោសល្យវិច័យ ជំហានដំបូងបានបញ្ជាក់ថា មិនមានស្លាកស្នាម ឬប្រើកម្លាំងណាមួយពីខាងក្រៅឡើយ។
យើងតាមមតិដែលដកស្រង់ពីអ្នកជិតស្និតនឹង Sulli បានលើកឡើងអំពីរោគសញ្ញានៃជំងឺបាក់ទឹកចិត្តរបស់នាង ក៏ជាការចោទប្រកាន់ផ្នែកព្រហ្មទណ្ឌផ្សេងទៀតដែរ។ ក្រៅពីនោះ ប៉ូលីសជឿជាក់ថា ការសម្រេចចិត្តបញ្ចប់ជីវិតរបស់ Sulli គឺដើមហេតុ។ ដោយឡែក ប៉ូលីសបានចំណាយពេល ក្នុងការពិនិត្យលទ្ធផលនៃការធ្វើតេស្តគ្រឿងញៀន នេះក៏ដូចជាការបង្ហាញឃើញច្បាស់លាស់មួយផ្សេងទៀតដែរ ពីការធ្វើកោសល្យវិច័យ។
គួរជម្រាបថា ទាក់ទងនឹងការកោសល្យវិច័យនេះ ខាងប៉ូលីសប៉ុស្ដិ៍ Seongnam បានស្នើសុំដីកាធ្វើកោសល្យវិច័យលើ Sulli រួចមកហើយ ដូច្នេះប៉ូលីសអាចនឹងបន្តការស៊ើបអង្កេតជាបន្តទៀត ព្រោះមានការយល់ព្រមពីសមាជិកគ្រួសារ Sulli៕