(ភ្នំពេញ)៖ ក្រុមហ៊ុន ASUS បានប្រកាសដាក់បង្ហាញ Laptop ជំនាន់ថ្មីសេរី Vivobook S531 ក្នុងកម្មវិធី Computex នៅក្នុងទីក្រុងតៃវ៉ាន់ កាលពីថ្ងៃទី២៧ ខែឧសភាឆ្នាំ២០១៩កន្លងទៅនេះ ហើយបានបង្ហាញវត្តមាននៅក្នុងប្រទេសកម្ពុជាលើកដំបូង។ Vivobook S15 គឺជាLaptopដែលបានបង្កើតឡើង ស្របតាមភាពជឿនលឿន និងតម្រូវការរបស់យុវវ័យសម័យថ្មី មានជម្រើសពណ៌ចម្រុះស្អាតប្លែកភ្នែក ចំនួន៥ពណ៌ផ្សេងៗគ្នាដូចជា ពណ៌បៃតងស្លែរ ពណ៌ផ្កាឈូក ពណ៌ខៀវ ពណ៌ខ្មៅ និង ពណ៌ទឹកប្រាក់។ ផ្ទៃខាងលើផលិតដោយលោហៈ មានរចនាបទប្លែកស្អាតអមទៅដោយ Logo ASUS Vivobook នៅខាងកៀន និងមានរន្ធចេញខ្យល់ប្រសើរជាងមុន និងមាន Speakers នៅចំហៀងនៃសម្បកខាងក្រោម ជាមួយនឹងបច្ចេកវិទ្យា ErgoLift ត្រជៀក Laptop រុញឡើង3.5° ដែលជំនួយដល់ការ Typing ឲ្យមានភាពងាយស្រួល។
លេបថបនេះ មានទម្ងន់ស្រាលត្រឹមតែ ១.៨KG ងាយស្រួលដាក់ចូលកាបូបយកតាមខ្លួន មិនធំពេកក្នុងការយួរ និងយកទៅណាមកណា។ លេបថបនេះមានបច្ចេកវិទ្យា Four-sided NanoEdge Display ដែលផ្តល់ទំហំអេក្រង់ធំគ្មានគែម សឹងតែ ៨៨% នៃផ្ទៃ Laptop ទៅហើយ គឺគែមមានប្រវែងខ្លីត្រឹមតែ 5.2mm ដែលជួយទៅដល់បទពិសោធន៍ នៃការសំឡឹងទៅលើអេក្រង់របស់អ្នក ឲ្យកាន់តែប្រសើរឡើង។ លេបថបនេះត្រូវបានបំពាក់ CPU Core I7-8565U (Turbo Boost ដល់ទៅ 4.6GHz) និង Core I5-8265 (Turbo Boost ដល់ទៅ3.9GHz) ជំនាន់ទី៨ និង GPU ដាច់ របស់ក្រុមហ៊ុន NVIDIA GeForce MX250 ដែលមានអង្គចងចាំប្រភេទ PCIe SSD ទំហំដល់ទៅ1TB។
វាក៏ជាលេបថបដំបូង ដែលបំពាក់បច្ចេកវិទ្យាInfrared (IR) Camera ដែលយើងអាច Log-in ដោយមិនប្រើដៃយ៉ាងមានសុវត្ថិភាពជាមួយនឹងWindow Hello ដោយគ្រាន់តែក្រឡេកមើលទៅលើលេបថប និង បច្ចេកវិទ្យា Wi Fi 6 (802.11ax)ដែលមានល្បឿនលឿនជាងបច្ចេកវិទ្យាWi Fi 5 ដល់ទៅ៣ដង ហើយបច្ចេកវិទ្យានេះផ្ទុកនូវ Network កាត់បន្ថយភាពស្ទក់យឺត75% ដែលជួយដល់ការផ្ទេរវីឌីអូ4K ដែលជួយទៅដល់អ្នកដែលមានអាជីបជា Video Editor។ លើសពីនេះលេបថបមួយនេះ បំពាក់ជាមួយនឹងប្រព័ន្ធសំឡេងរបស់បច្ចេកវិទ្យា Harmon Kardon ដែលផ្តល់គុណភាពសំឡេងខ្ពស់ល្អ បាស់បុកខ្លាំង លើសពីលេបថបដទៃ។
លក្ខណពិសេសរបស់ Vivobook S15៖
១. រចនាបទទំនើប និងទាន់សម័យជាងមុន: រូបរាងស្តើងស្អាត មានជម្រើសពណ៌ចម្រុះស្អាតស័ក្តិសមនឹងយុវវ័យសម័យថ្មី ជាមួយនឹង ការឌីហ្សាញបាតរុញឡើងខ្ពស់ ដែលជំនួយដល់ប្រព័ន្ធត្រជាក់របស់ម៉ាស៊ីន អមជាមួយនឹងរូបរាងស្តើងស្រាលងាយស្រួលយកតាមខ្លួន។
២. មុខងារនិងបច្ចេកវិទ្យាថ្មីៗ: បច្ចេកវិទ្យា NanoEdge Display ក្រុមហ៊ុន ASUS បានធ្វើឲ្យ Laptop នេះសឹងតែគ្មានគែម ហើយក៏ជា Laptop Vivobook ដំបូងដែលមានបច្ចេកវិទ្យា Infrared Camera និង Wi fi 6។
សម្រាប់ប្រិយមិត្ត ដែលទន្ទឹងរងចាំការមកដល់នៃលេបថប Vivobook S15នេះ ក្រុមហ៊ុន ASUS គឺមានលក់នៅក្នុងទីផ្សារប្រទេសកម្ពុជា ចាប់ពីថ្ងៃនេះតទៅហើយ។ គួរបញ្ជាក់ផងដែរថា ក្រុមហ៊ុនASUS នឹងមានព្រឹត្តិការណ៍ដាក់សម្ពោធតាំងបង្ហាញ ASUS Vivobook S531 កាលពីថ្ងៃទី២២ ខែកញ្ញា ឆ្នាំ២០១៩ នៅផ្សារទំនើបអ៊ីអនម៉លសាខាទី១៕
