(ភ្នំពេញ)៖ លោក អ៊ឹង សុខលី ត្រូវជាប្អូនប្រុសថៅកែហង្សមាស និងត្រូវជាស្វាមីបណ្តូរចិត្ត របស់កំពូលតារាចម្រៀងស្រីឱក សុគន្ធកញ្ញា កំពុងទទួលបានការចាប់អារម្មណ៍យ៉ាងខ្លាំងពីមហាជន ព្រោះសព្វមួយដងលោកមិនធ្លាប់បង្ហាញមុខ ក្នុងការថតស្ពតពាណិជ្ជកម្មអ្វីមួយឡើយ ពោលគឺមិនបង្ហាញមុខតែម្តង។ យ៉ាងណាមិញ ទើបតែថ្មីៗនេះ បានលេចវត្តមានថតស្ពតពាណិជ្ជកម្មជាលើកដំបូងជាមួយភរិយា ធ្វើឲ្យគ្រប់គ្នាចាប់អារម្មណ៍យ៉ាងខ្លាំង។
ជាការកត់សម្គាល់ លោក អ៊ឹង សុខលី បានចាប់ដៃគ្នាជាមួយភរិយាថតស្ពតពាណិជ្ជកម្ម ឲ្យផលិតផលម្សៅទឹកដោះគោ «នូទ្រីម៉ាម»។ អ្វីដែលពិសេស នេះជាលើកដំបូងហើយ ដែលប្អូនប្រុសថៅកែហង្សមាសរូបនេះ បានបង្ហាញមុខក្នុងស្ពតពាណិជ្ជកម្ម ដោយបានដឹកដៃភរិយា ដែលកំពុងពពោះកូនដំបូង ទៅថតដល់រោងចក្រផលិតទឹកដោះគោ «នូទ្រីម៉ាម» ក្នុងប្រទេសសិង្ហបុរីតែម្តង។ ការថតស្ពតលើកដំបូង ពីសំណាក់លោក អ៊ឹង សុខលី ត្រូវបានគេដឹងថា បន្ទាប់ពីភរិយារបស់លោក បានក្លាយជាតំណាងផលិតផលម្សៅទឹកដោះគោ «នូទ្រីម៉ាម» រយៈពេល៣ឆ្នាំ។
ជាមួយគ្នានឹងការថតស្ពត ឲ្យម្សៅទឹកដោះគោទាំងពីរនាក់ប្តីប្រពន្ធនេះ ភរិយារបស់លោកក៏បានជ្រើសរើសម្សៅទឹកដោះគោនេះ មកប្រើប្រាស់ផ្ទាល់ខ្លួនផងដែរ ដើម្បីទ្រទ្រង់សុខភាពទាំងម្តាយ និងសុខភាពរបស់ទារកនៅក្នុងផ្ទៃ។ ភរិយាលោក អ៊ឹង សុលី បានបង្ហាញថា នាងពិតជាពេញចិត្ត និងសប្បាយចិត្តជាខ្លាំងដែលនូទ្រីម៉ាម គឺជាទឹកដោះគោបំបាត់អាការះចាញ់គភ៌ ដែលនាងបានប្រើប្រាស់ផ្ទាល់។ ជាពិសេសវាផ្តល់ជូននូវសុខភាព សំរាប់ទារកដែលនៅក្នុងផ្ទៃរឹងមាំ ផ្តល់នៅថាមពលសំរាប់អ្នកម្តាយដែលធ្វើឲ្យនាង មានកំលាំងគ្រប់គ្រាន់សំរាប់ធ្វើការ ជាពិសេសនាងនឹងបន្តប្រើម្សៅទឹកដោះគោ នូទ្រីលេត សំរាប់ទារកក្នុងករណីដែលនាងខ្ញុំ មិនមានទឹកដោះគ្រប់គ្រាន់ទៀតផង។
គួរជម្រាបថា នេះជាលើកទី១ហើយ ដែលលោក អ៊ឹង សុខលី បង្ហាញវត្តមានក្នុងវីដេអូថតស្ពតពាណិជ្ជកម្ម ខណៈការសម្រេចចិត្តថតស្ពតពេលនេះ ស្របពេលដែលលោកកំពុងមានភរិយាកំពុងពពោះ ហើយកំពុងប្រើប្រាស់ម្សៅទឹកដោះគោនេះ ផ្ទាល់ថែមទៀត៕