(ភ្នំពេញ)៖ ទៀង មុំសុធាវី គឺជាតារាចម្រៀងស្រីរូបស្រស់ ទឹកមុខសុភាពរាបសារមួយរូប ដែលមានសំនៀងទឹកដមពិរោះរណ្តំ ត្រូវចិត្តទស្សនិជនគ្រប់ស្រទាប់វណ្ណៈ។ តាមរយៈប្រឡូកចូលវិស័យចម្រៀងជាច្រើនឆ្នាំមកនេះ មុំសុធាវី ហាក់ទទួលបានប្រជាប្រិយភាពមានទស្សនិកជនគាំទ្រច្រើន ទាំងក្នុងនិងក្រៅប្រទេស។ តែយ៉ាងណា ថ្មីៗនេះទស្សនិកជនចាប់ងារម្មណ៏យ៉ាងខ្លាំង ពេលនាងបង្ហាញមុខគូស្នេហ៍វ័យកណ្តាលមួយរូប តាមរយៈផ្តិតនូវរូបថតផ្អែមល្ហែម នៅបរទេសភ្ជាប់ជាមួយនឹងពាក្យថា «និស្ស័យ»។ ការបង្ហាញមុខគូស្នេហ៍របស់ខ្លួន ពីសំណាក់តារាស្រី ទៀង មុំសុធាវី ពេលនេះបានធ្វើឲ្យបុរសៗដែលតាមស្រឡាញ់នាងមិនតិចនាក់នោះទេខកចិត្ត តែយ៉ាណាក៏មានទស្សនិកជនច្រើនដែរ ដែលជូនពរនាងឲ្យរៀបការឆាប់ៗ និងមានសុភមង្គល។
ជាការកត់សម្គាល់ថ្មីៗនេះ តារាចម្រៀងស្រី និយមចម្រៀងបមនោសញ្ចេតនា កញ្ញា ទៀត មុំសុធាវី ចាប់តាំងពីចូលប្រឡូកក្នុងសិល្បៈជាច្រើនឆ្នាំ មហាជនមិនធ្លាប់ឭដំណឹងថានាងមានរឿងអាស្រូវអ្វីឡើយ។ រឹតតែពិសេសជាងនេះ មានតែមតិកោតសរសើរថានាង ជាតារាចម្រៀងមួយរូបដែលសុភាពរាបសារ មានការតែងខ្លួនស្រស់ស្អាត សមរម្យជានារីខ្មែរផងដែរ ។ ទន្ទឹមគ្នានឹង គឺមានបុរសមិនតិចនាក់នោះទេ ដែលលួចក្នាញ់ជាមួយនឹងភាពស្រស់ស្អាតបែបស្រគត់ស្រគំរបស់នាង តែពេលនេះបុរសៗដែលមានបំណងចង់បាននាងមកធ្វើជាគូ ហាក់ខកចិត្តមិនស្ទើរឡើយ ពេលឃើញនាងបង្ហោះរូបថតស្វីតស្វីតរួមនឹងរូបថត Pre Wedding ជាមួយបុរសរូបសង្ហាម្នាក់នៅក្រៅប្រទស ដោយភ្ជាប់ជាមួយសារខ្លីថា «និស្ស័យ» ។
តែយ៉ាណា គេមិនទាន់ដឹងនៅឡើយទេ ថាបុរសដែលនាងថតជាមួយ ដែលត្រូវបានទស្សនិកជនសន្មត់ថាជាគូស្នេហ៍ គឺជាអ្នករស់នៅប្រទេសណានោះ។ ជាមួយគ្នានេះ តារាស្រី ទៀង មុំសុធាវី ក៏មិនទាន់បញ្ជាក់នោះដែរ ថានាងនឹងចូលរោងការនៅនេះ ឬយ៉ាងណា៕
