(បរទេស)៖ នៅក្នុងគណនី Twitter ដែលមានឈ្មោះថា @hash_1993 ធ្វើឲ្យមហាជនមានការចាប់អារម្មណ៍ជាខ្លាំង បន្ទាប់ពីបុរសជនជាតិម៉ាឡេស៊ីរូបនេះបានធ្វើការបង្ហោះវីដេអូមួយ បង្ហាញពី Netflix។
យោងទៅតាម Mothership បានឲ្យដឹងថា នៅក្នុងឈុតឆាកមួយនៃភាពយន្ត «Another Life» តួអង្គចំនួន ០២រូប មានភាពភ្ញាក់ផ្អើល និងចំឡែកចិត្តជាមួយផ្លែឈើមួយប្រភេទ ដែលប្លែកមិនដែលជួបពីមុន ដែលពួកគេបានរកឃើញលើភពព្រះច័ន្ទ។ តែបើក្រឡេកឲ្យច្បាស់បន្តិចទៅ ផ្លែឈើដែលមានរោមនោះ គឺជាផ្លែសាវម៉ាវ ដែលជាប្រភេទផ្លែឈើដ៏ពេញនិយមនៅក្នុងបណ្ដាប្រទេសមួយចំនួនក្នុងអាស៊ី។
យ៉ាងណាមិញ នៅតាមតំបន់នៃបណ្ដាប្រទេសដទៃអាចចាត់ទុកថា ផ្លែឈើនេះជាផ្លែឈើចម្លែក ប៉ុន្តែផ្លែសាវម៉ាវគឺជាផ្លែឈើដែលពេញនិយម នៅបណ្ដាប្រទេសមួយចំនួន ដូចជា ម៉ាឡេស៊ី ឥណ្ឌូនេស៊ី ថៃ និងប្រទេសកម្ពុជា៕