(សេអ៊ូល)៖ កាលពីថ្ងៃទី ២៤ ខែកក្កដា អ្នកគាំទ្ររបស់ក្រុមចម្រៀង BLACKPINK បានសាកសួរតាមរយៈបណ្ដាញសង្គម Twitter ទៅកាន់តារាចម្រៀងលំដាប់ដ៏ល្បីរបស់អាមេរិក Ariana Grande ថា «សូមឆ្លើយឲ្យលឿនមក តើអ្នកធ្លាប់ចូលរួមសម្ដែងជាមួយក្រុម blackpink ដែរឬទេ?»។
ពិតជាធ្វើឲ្យអ្នកគាំទ្រមានភាពភ្ញាក់ផ្អើល ក្រោយពេលដែលឃើញ Ariana Grande បានឆ្លើយតមថា «ពិតណាស់ ចង់រួមសហការជាមួយគេ ប្រហែលជាខ្ញុំត្រូវដួលសន្លប់ហើយ»។
អ្នកគាំទ្រជាច្រើនសម្ដែងក្ដីរំភើបចិត្ត បន្ទាប់ពីបានឃើញការឆ្លើយតបនេះ និងលើកឡើងថា ពួកគេចង់ឃើញការសហការរវាង Ariana Grande និង BLACKPINK កើតឡើងក្នុងពេលឆាប់ៗខាងមុខនេះ។ គួររំលឹកថា កាលពីខែមេសា ក្រុម BLACKPINK ក៏បានជួប Ariana Grande នៅឯ Coachella កាលីហ្វញ៉ា សហរដ្ឋអាមេរិក៕