(ប៉ារីស)៖ នាវាមុជទឹករបស់បារាំងដែលមានឈ្មោះថា Minerve មានផ្ទុកមនុស្ស ៥២នាក់ ដែលបានលិចនៅក្រោមបាតសមុទ្រ កាលពី៥០ឆ្នាំមុន នៅឆ្នាំ១៩៦៨ ត្រូវបានរកឃើញនៅឆ្នេរសមុទ្រនៃប្រទេសបារាំង។ នេះបើតាមការចេញផ្សាយដោយសារព័ត៌មាន CGTN នៅថ្ងៃទី២៣ ខែកក្កដា ឆ្នាំ២០១៩។
នាវាមុជទឹកនេះ ត្រូវបានគេរកឃើញកាលពីថ្ងៃអាទិត្យ នៅបាតសមុទ្រមេឌីទែរ៉ាណេ ក្នុងជម្រៅ ២,៣៧០ម៉ែត្រ និងក្នុងចម្ងាយ៤៥ គីឡូម៉ែត្រពីទីក្រុង Toulon ប្រទេសបារាំង។ ហេតុផលនៃការលិចនាវាមុជទឹក គេនៅតែមិនទាន់រកឃើញនៅឡើយ។
សូមរំឭកថា នាវាមុជទឹក Minerve ដែលមានផ្ទុកនាវិក ៥២នាក់ ត្រូវបានលិច នៅអំឡុងពេលដែលចេញធ្វើលំហាត់សម នៅសមុទ្រមេឌីទែរ៉ាណេ កាលពីថ្ងៃទី២៧ ខែមករា ឆ្នាំ១៩៦៨៕