(អង់គ្លេស)៖ សត្វឆ្កែអត្តពលិកជាច្រើនក្បាល រួមជាមួយនឹងម្ចាស់ចិញ្ចឹម បានចូលរួមកម្មវិធីប្រកួតប្រជែងឆ្កែជិះរលកប្រចាំឆ្នាំ របស់ចក្រភពអង់គ្លេស នៅឆ្នេរខ្សាច់ភាគខាងត្បូងនៃប្រទេសអង់គ្លេស កាលពីថ្ងៃអាទិត្យសប្ដាហ៍នេះ។
ព្រឹត្ដិការណ៍ចម្បងការប្រកួតឆ្កែជិះរលកឆ្លងកាត់កម្ដៅត្រូវបានប្រារឰនៅថ្ងៃទី២១។ ឆ្កែជ័យលាភី ត្រូវបានវិនិច្ឆ័យលើជំនាញប្លែកៗរួមទាំងរយៈពេល និងភាពជឿជាក់។ ចំពោះឆ្កែមិនទទួលជ័យជម្នះក៏ទទួលបាននូវមេដាយកិត្ដិយសដែរ។
សត្វសុនខអត្ដពលិកដ៏ខ្លាំងប្រចាំប្រទេស បានមកប្រកួតពេញមួយចុងសប្ដាហ៍។ ហ្វូងឆ្កែប្រកួតជិះរលកទាំងនោះក៏នឹងមានវេលាជួបជុំពិធីជប់លៀងដ៏រីករាយផងដែរ។ នៅឆ្នាំនេះឆ្កែចំនួន១៦ បានក្លាយជាម្ចាស់ជ័យលាភី ក្នុងការប្រកួតជិះរលកប្រចាំឆ្នាំ៕