(សេអ៊ូល)៖ តារាចម្រៀង Heize បានឈរតំណែងកំពូល របស់គេហទំព័រចម្រៀងឌីយីថលជាមួយនឹងបទចម្រៀងថ្មី «We don’t talk together» ដែលមានវត្តមានតារារ៉េប Giriboy និងផលិតដោយ Suga សមាជិកក្រុម BTS។ បទចម្រៀងថ្មី ដែលនិពន្ធដោយសមាជិក BTS មួយនេះ គឺដើម្បីស្វាគមន៍ការវិលត្រឡប់របស់ Heize បន្ទាប់ពីរយៈពេល ៤ខែ ដែលនាងបញ្ចេញ Album Vol.1 ឈ្មោះថា «She’s Fine» កាលពីខែមីនាកន្លងទៅ។
«We Don’t Talk Together» បានឈរនៅកំពូលតារាងចំណាត់ថ្នាក់ចម្រៀងជាច្រើនដូចជា Melon, Genie, Bugs, MNET, Naver Music, Soribada, Olleh និងMomople។ នៅម៉ោង ៨ ល្ងាចថ្ងៃទី៧ ខែកក្កដា បទចម្រៀងថ្មីរបស់ Heize ដែលមានចំណងជើងថា «We don’t talk together» ដែលបានចេញកាលពីថ្ងៃទី៧ ខែកក្កដា វេលាម៉ោង ៦ ល្ងាច បានឈរនៅកំពូលតារាងចំណាត់ថ្នាក់ចម្រៀងតាមអនឡាញក្នុងគេហទំព័រចំនួន ៥ រួមទាំង Melon ជាគេហទំព័រចម្រៀងឌីជីថលកូរ៉េដ៏ល្បីល្បាញនាំមុខគេ ហើយក៏ដូចជា Genie, Bugs, Soribada និងOlleh Music។
ចម្រៀង «We Don’t Talk Together» បានទាក់ទាញចំណាប់អារម្មណ៍មនុស្សជាច្រើន មុនពេលចេញ ដោយសារត្រូវបានផលិតដោយ Suga សមាជិកក្រុម BTS ដែលធ្លាប់បានផលិតបទ «Wine» របស់ Suran ដែលបានវ៉ាដាច់គេ ក្នុងតារាងចំណាត់ថ្នាក់ចម្រៀងឌីជីថល (Digital Music Charts)។ បន្ថែមពីនេះ Suga ក៏បានចូលរួមផលិតបទល្បីៗជាច្រើនរបស់ក្រុម BTS ជាក់ស្ដែង Suga ទទួលខុសត្រូវនិពន្ធទំនុកភ្លេង សម្រាប់ចម្រៀងនេះ ដោយសហការជាមួយនឹង Heize និង El captixn។ Heize និង Giriboy បានសរសេរខ្លឹមសារចម្រៀងនេះជាមួយគ្នា។
Heize បានរៀបរាប់ថា «សហប្រតិបត្តិការដំបូងរវាង Heize និង Suga ប្រកបដោយភាពជោគជ័យ ដោយសារតែការខំប្រឹងប្រែងរបស់បុគ្គលិកទាំងសងខាង»៕
