(សេអ៊ូល)៖ រំលងអស់រយៈពេល ១ខែ កន្លងផុតទៅហើយ ដែលតារាស្រី Goo Hara ប៉ុនប៉ងធ្វើអត្តឃាតបញ្ចប់ជីវិតរបស់នាង ប៉ុន្តែមិនបានសម្រេច ហើយនៅពេលនេះ Goo Hara ត្រូវបានគេដឹងថា ត្រឡប់មកផ្សព្វផ្សាយចម្រៀងវិញ ដោយនឹងបង្ហាញខ្លួននៅក្នុងកម្មវិធី TV Tokyo Music Festival ឆ្នាំ២០១៩ នៅប្រទេសជប៉ុន។
TV Tokyo Music Festival 2019 គឺជាកម្មវិធីតន្រ្ដីពិសេសមួយ ដែលបានចាក់ផ្សាយតាំងពីឆ្នាំ២០១៤។ ភ្ញៀវកិតិ្តយសដែលនឹងចូលរួមកម្មវិធីក្នុងឆ្នាំនេះរួមមាន Goo Hara, Arashi, KinKi Kids,V6, AKB48, និង Koda Kumi។ Goo Hara ក៏បានបញ្ជាក់ពីវត្តមានរបស់នាងក្នុងកម្មវិធីនេះ ដោយការបង្ហោះវីដេអូមួយក្នុងគណនីអ៊ីនស្តារក្រាមរបស់នាង។ ហើយកាលពីពេលថ្មីៗនេះ Goo Hara ក៏បានចុះកុងត្រាជាមួយនឹងភ្នាក់ងារថ្មីមួយនៅប្រទេសជប៉ុនផងដែរ ដើម្បីបន្តការផ្សព្វផ្សាយចម្រៀងរបស់នាង ប៉ុន្តែមិនបានបញ្ជាក់ច្បាស់ថា ពេលណានឹងវិលមកវិស័យចម្រៀងវិញឡើយ៕