(ភ្នំពេញ)៖ ជាកត់សម្គាល់ «Miss Grand កម្ពុជា» ឆ្នាំ២០១៨ កញ្ញាឌី លីកា ក្រោយពីបានឆ្លងកាត់ការប្រកួត ត្រឡប់មកមាតុភូមិវិញ គេសង្កេតឃើញថា នាងកាន់តែមានប្រជាប្រិយភាព ខ្លាំងឡើង នៅក្នុងការងារសិល្បៈ ហើយអ្វីដែលកាន់តែពិសេស និងទស្សនិកជនកំពុងតែមានការចាប់អារម្មណ៍ខ្លាំងទៅលើ «Miss Grand កម្ពុជា» រូបនេះ គឺក្រោយពេលដែលនាងបង្ហាញខ្លួ ន យ៉ាងទន់ភ្លន់តែរឹងមាំ ក្នុងឈុតបុរាណខ្មែរ ពោលគឺរឹតតែធ្វើឲ្យនាងកាន់តែស្រស់ស្អាតទ្វេដង។
ជាការពិតណាស់ បើនិយាយពីរូបសម្ផស្ស ដ៏ស្អាតផូរផង់របស់នាងវិញ គឺពិតជាមានភាពស្រស់ស្អាត និងទាក់ទាញខ្លាំងតែម្ដង ជាពិសេសនោះគឺត្រូវប៉ាន់ខ្លាំង ជាមួយនឹងការថតម៉ូតជាច្រើន ដោយថ្មីៗនេះ ឌី លីកា បានធ្វើឲ្យគេចាប់បើអារម្មណ៍គ្រប់គ្នា ក្រោយបានឃើញរូបសម្រស់ ដ៏ប្លែកភ្នែកខ្លាំង ក្នុងការតែងខ្លួនយ៉ាងស្រស់ស្អាតយ៉ាងខ្លាំង។
អមជាមួយនឹងឈុតបុរាណខ្មែរ ធ្វើឲ្យរូបសម្រស់ ឌី លីកា មើលទៅគួរឲ្យក្នាញ់និងពិតជាទន់ភ្លន់ ស័ក្តិសមជាសុភាពនារីខ្មែរ យ៉ាងឥតខ្ចោះតែម្ដង ព្រោះទម្រង់មុខនាងបែបធម្មជាតិ ជាជនជាតិខ្មែរពិតៗ ដល់ពេលលេងខ្លួនបែបនេះទៅពិតជាប្លែកខ្លាំង មើលសឹងមិនស្គាល់នោះទេ។
តាមរយៈរូបភាពប៉ុន្មានសន្លឹករបស់នាង បានធ្វើឲ្យអ្នកគាំទ្រជាច្រើននាំគ្នាចាប់អារម្មណ៍ និងបានធ្វើការសរសើរទៅលើរូបសម្រស់របស់នាងគ្រប់គ្នា ដែលមើលទៅពិតជាស្រស់សោភា និងមានភាពជឿជាក់បំផុត។
គួររំឭកដែរថា ស្រីស្អាត ឌី លីកា ជាអតីតបេក្ខភាពតំណាងកម្ពុជា ក្នុងការប្រកួត ក្នុងកម្មវិធី «Miss Grand International 2018» ទោះបីជាមិនទទួលបាននូវជ័យលាភី ត្រឡប់មកជូនជាតិក្ដី ក៏ស្រីស្អាត ឌី លីកា នៅតែត្រូវមហាជន កោតសរសើរចំពោះសមត្ថភាព របស់ស្រីស្អាតរូបនេះផងដែរ៕