(ថៃ)៖ ពិតជារឿងមួយគួរឲ្យរំភើបសម្រាប់នារី ដែលត្រូវបានគូស្នេហ៍រាប់ឆ្នាំសុំរៀបការ ហើយនេះក៏ជាក្តីស្រមៃសម្រាប់នារីៗផងដែរ។ ជាក់ស្តែង ងាកមកតារាស្រីថៃល្បីឈ្មោះបោះសំឡែងកញ្ញា Rita Sririta កំពុងធ្វើឱ្យអ្នកគាំទ្រច្រណែន នឹងសំណាងរបស់នាងយ៉ាងខ្លាំង បន្ទាប់ពីត្រូវបានមិត្តប្រុសជាទីស្រឡាញ់ លោក Korn Narongdej លត់ជង្គង់សុំនាងរៀបការយ៉ាងរ៉ូមែនទិចបំផុត ជាមួយនឹងចិញ្ចៀនពេជ្រយ៉ាងស្រស់ស្អាត ។
ជាការកត់សម្គាល់ កាលពីរាត្រីថ្ងៃទី២៩ ខែឧសភា ឆ្នាំ២០១៩ តារាសម្តែងថៃនាង Rita Sririta ត្រូវបានមិត្តប្រុសរូបសង្ហា និងជាសេដ្ឋីហាយសូ លោក Korn Narongdej លុតជង្គង់សុំរៀបការប្រកបដោយភាពកក់ក្តៅ និងផ្អែមល្ហែមយ៉ាងខ្លាំង។ ជាមួយគ្នានេះ ទស្សនិកជនសង្កេតឃើញថា អនាគតស្វាមីរបស់តារាសម្ដែង Rita Sririt មិនត្រឹមតែមានរូបរាងសង្ហា ពូកែផ្អែមល្ហែម និង ស្រឡាញ់នាងខ្លាំងប៉ុណ្ណោះទេ តែលោកគឺជាសេដ្ឋីវ័យក្មេង ដែលមានទ្រព្យសម្បត្តិរាប់លានម្នាក់ថែមទៀតផង។ ភ្ជាប់ជាមួយរូបភាពផ្អែមល្ហែមពេលសុំនារីដែល ខ្លួនស្រឡាញ់រៀបការ លោក Korn Narongdej បានបញ្ចេញសារថា «រយៈពេល៣ឆ្នាំមកហើយ ខ្ញុំបានស្នើរសុំអ្នកជាលើកដំបូង គឺសុំឲ្យអ្នកធ្វើជាប្រពន្ធរបស់ខ្ញុំ»។
យ៉ាងណាមិញ នៅលើបណ្តាញសង្គម Intagram តារាស្រី Rita Sririt បានបង្ហាញនូវអារម្មណ៍រំភើប និងពាក្យពិតក្នុងបេះដូងថា នាងគឺជាមនុស្សស្រី ដែលមានសំណាងបំផុតនៅលើលោកដែលមានគូស្នេហ៍ល្អបែបនេះនៅក្នុងជីវិតចាប់ពីពេលនេះ និង រហូតទៅ ។
គួរជម្រាបថា ជាមួយនឹងដំណឹងដ៏រីករាយនេះ មិនត្រឹមតែធ្វើឲ្យសាមីខ្លួន នាង Rita Sririt រំភើប រីករាយនោះទេ សូម្បីតែទស្សនិកជនក៏សរសើរ និងចូលរួមត្រេកអរចំពោះនាងគ្រប់ៗគ្នាដែរ ជាពិសេថ្ងៃនោះ នាងពិតជាស្រស់ស្អាតយ៉ាងខ្លាំង ជាមួយនឹងសម្លៀកបំពាក់រ៉ូបយ៉ាងស្អាតពណ៌ក្រហមយ៉ាងទាក់ទាញ៕